Ban pynpaw ia ka jingpyrshah ia ka Citizenship (Amendment) Bill, 2016 ia khih ka NESO

NESOShillong, Jymmang 12: Ka kynhun jong ki seng samla pule jong ka dong shatei lam mih ngi jong ka Ri India mynta ka sngi kila pynlong ia ka jingiakhih da kaba shong kyllain mungor ha Dighalipukhuri  Park ha Guwahati ban pyrshah ia ka jingwanrah jong ka sorkar pdeng ia ka Citizenship (Amendment) Bill 2016.

Ha kane ka sngi ki seng samla pule na kylleng ki jylla jong ka dong shatei lam mih ngi kila ia poi sha kane ka jaka ban pynpaw ba ki paidbah jong kane ka thain ki pyrshah ia ka jingkwah jong ka sorkar pdeng ban wan rah ia ka jingpynkylla ha ka ain ki nongshong shnong jong ka Ri India ban shah ia ki rit paid na Afghanistan, Pakistan bad Bangladesh ba kin wan buhai shnong sha India.

Ha kane ka jingiakhih shong kyllain mungor kaba la ialam da ka NESO baroh ki seng samla pule jong kane ka thain kila ia poi, na Meghalaya ka GSU bad ka KSU kila leit ban ia shim bynta ha kane ka jingiakhih kaba la long ha Guwahati mynta ka sngi.

U Bah Samuel Jyrwa Chairman jong ka NESO u la ong ba kane ka jingiakhih ka long ban pynpaw sha ka sorkar khamtam sha ka Joint Parliamentary Committee ba ki paidbah ka Northeast ki pyrshah ia ka ka jingthmu ban wan rah ia kane ka jingpynkyll ia ka ain ki nongshong shnong.

Ban dang pynkhlain shuh shuh ia kane ka jingpyrshah la shim ia ka rai ba ha ka 21 tarik mynta u bnai kan dong ka jingiaiakhih ha baroh ki nongbah jong ki jylla ka dong shatei lam mih ngi jong ka Ri India ban pynpaw sha ka sorkar pdeng ba ki paidbah kane ka tahin ki da pyrshah tyngeh ia ka jingthmu jong ka sorkar pdeng.

Ban iada ia kane ka dong ka thain ka NESO ka daw ba dei ban pyntrei kam noh ia ka Inner Line Permit ha kane ka dong shatei lam mih ngi baroh kawei,  ban ai ka jingiada kaba kyrpang ia ki briew jong kane ka thain. Halor kine ki leit ban ia kynduh ia u Myntri rangbah duh jong ka Ri bad ia u myntri kam poh iing jong ka Ri India, la ongu Bah Samuel Jyrwa Chairman ka NESO.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet