Ban pynrulong ia ka jingang nud ki paidbah ka sorkar kala leh katba don ka buid ka bor: Zenith

Sport MinisterAmpati,Nohprah 03: U myntri ba dei peit ia ka tnad ialehkai jong ka sorkar jylla u Zenith Sangma u la buh ia u mawnongrim ba dei jong ka “Multi Facility Centre” ha  Gandhipara Kasabanagar hapoh jong ka South West Garo Hills District bad ha kane ka sngi u la sam ruh ia ki khun syiar sha ki paidbah kiba hap hapoh jong ka Betasing C&RD Block.

Haba kren ha ka jingialang paidbah ha kane ka sngi, na ka liang jong u myntri u la ong ba ka sorkar kala leh katba don la ka buid ka born a ka bynta ban pynurlong ia ka jingang nud jong ki paidbah ha kaba ia dei bad ki kam pynroi kiba iarap ban kyntiew ia ka ioh ka kot jong ki lyngba ki skhim kiba bun jaid.

U myntri u la ong ba kane ka jaka paidbah kaba la shna khnang da ka sorkar ka long na ka bynta ban pyndon kam ki paidbah ha ki ba bun ki liang ha kaba ki lah ban pyndon kam ia kane ka jaka ha kaba iathoh shongkurim  bad ha kaba pynlong ia ki jingialang paidbah.

Ka jingsam ia kine ki khun syiar ka long ban hikai ia ki briew ba kin lah ban trei ia ka kam ri jingri kum ka kam ri syiar bad ka kam ri masi namar kane ka long kaba kam kaba lah ban kyntiew ia ka ioh ka kot jong ki paidbah ka don ka jingdawa kaba jur ha iew ha hat ia ki syiar bad kum juh ia ka dud. Ha kane ka sngi la sam 560 tylli ki khun syiar sha ki hynriew tylli ki khynhun treilang.

Kiwei kiba la kren ha kane ka jingialang ki long u BDO jong ka Betasing u A G Momin, District AH & Veterinary Officer u Dr P K Marak bad u Vice Chairman, State Resource Mobilization Diven Hajong.

 

What Next?

Recent Articles

Leave a Reply

Submit Comment

*