Jowai, Jylliew 24: Ki samla pule jong ka Kiangnangbah Government College mynta ka sngi kila ia kynduh ia ka principal ban iakren halor ka jingduh class jong ki samla pule kiba la pass ia ka matrik bad class XII.
Ha kane ka jingiakynduh na ka liang jong ka principal ka kong JMQ Lyngdoh kala ong ia ki samla pule ba kin sap lie biang ia ka jinghikai mynstep ha kane ka college khnang ba ki samla pule kin nym duh ia ki class khamtam eh ia ki class XI.
Na ka bynta ki BA, la kyrpad ia ka principal ba ka dei ban pynbun noh ia ki seat hapoh jong kane ka college namar kidon tang kumba shispah tam kiba khlem pat ioh rung Class.
Na ka liang jong ki samla pule kane ka college kila leit ruh ban ia kynduh ia u Deputy Commissioner jong ka West Jiantia Hills District halor kane ka juh ka phang bad na ka liang jong u DC u la ong ba wat la u la iohi ia ka rai jong ka sorkar jylla ha ki kot khubor bad mynta u dang ap ban ioh ia ka jingthoh.
Na ka liang jong u DC u la ong ba ia kiei kiba u lah ban leh ha ka kyrdan ka jong u hapoh shitaiew yn pyndep noh namar kan nym ktah ia ki samla pule. Na ka liang jong ki samla pule ka KNGC ki pdiang ia kaei kaba u DC u la pynsngew ha ki.
