Shillong, Risaw 01: U Myntri rangbah ka jylla u Conrad K Sangma, u la ong ba naduh ba thaw ia ka sorkar kala don ka jingiapynbeit ha khmat jong u hi ba kaba ia dei, hapdeng u bah Reniktone L Tongkhar bad u bah Samlin Malngiang na ka party HSPDP.
Haba ia dei bad ka jingbujli ia u bah Comingone Ymbon bad u bah Dasakhiatbha Lamare, u myntri rangbah u la ong ba ia kane ruh la dep ban ia kren ha ka por ba thaw ia ka sorkar.
U myntri rangbah u la kubur ba lada ka NPP ka wan marwei ha ka bor u bah Comingone Ymbon un long myntri hynrei haba ka party kam shym ioh synshar marwei la hap ban ia pynbeit bad u bah Dasakhiat.
U Myntri rangbah u la ong ba kane ka jingiakren ka long ha khmat jong u bad dei halor kane ka nongrim ba u bat ia kaei kaba la ia kren halor ka rai bad dei halor ka jingiakular bad da ka jingia sngewthuh la pynrung ia ki ha ka kam myntri mynta ka sngi.
