Ban pynshai paidbah ia ka CAB, yn pynlong jingialang ka KSU ha kylleng Ri Khasi

Shillong, Nohprah 02: Ka KSU kum shi bynta ban pynshai ia ki paidbah halor ki jingma lada pynlong aiñ ia ka CAB kan pynlong da ki street meetings ha kylleng ki dong jong ka sor Shillong bad kumjuh ruh ha kiwei pat ki jaka hapoh Bri U Hynniewtrep.

Kine ki jingialang kin long kum shi bynta ban pynsngewthuh kham bha ia ki paidbah halor ka jingktah lada wan ka CAB bad kumjuh ruh ban iawer ia ki paidbah ha ryngkat bad ki dorbar shnong, ki seng samla, seng kynthei bad kumta ter ter ban ia sam bynta lem ha ka jingialeh pyrshah ia kane ka aiñ iakjakor kaba lah ban pynduh jait ia ka Jaidbynriew Khasi.

Ia kane ka jingialang pynshai paidbah ka KSU kan sdang shuwa na kane ka nongbah Shillong ha ki dong bad ki dong bapher bapher katkum kine ki tarik bala buh ryngkat ka jingiatrei lang ki dorbar shnong.

Ka jingialang kan sdang la shai ka sngi 3.12.2019 ha  Laitjem bad  Madanrting, 4.12.2019 ha  Malki bad Laban. Ha ka 5.12.2019 – Mylliem Bah bad Bishnupur, ha ka 6.12.2019 ha  Rynjah bad Pynthorumkhrah, ha ka 7.12.2019 ha Umlyngka bad  Jaiaw, ha ka 9.12.2019 ha  Nongthymmai bad  Mawiong Umjapung, ha ka 10.12.2019 ha  Mawprem bad Umshing Mawkynroh, 11.12.2019 ha  Nongmensong bad  Mawlai Pump, ha ka 12.12.2019 – Mawkhar nad  Stand Bus Mawlai.

 

What Next?

Recent Articles

Leave a Reply

Submit Comment

*