Ban pynsuk ia ki nongleit nongwan shna ka NHAI sa ar tylli ki jaka rung kali ha 20-Mer Ri Bhoi

Shillong, Naiaiweng 22: Ban pynsuk shuh shuh ia ki nongleit nongwan hapdeng ka Shillong bad Guwahati ka National Highway Authority ka India kala sdang ban shna shuh sa ar tylli ki jaka khorng pisa ia kiba leit ba mih ha 20 Mer kaba don bynta.

Kane ka long ban kham pynkloi ia ki paidbah ba rung ban nym ieng palat ha u lain namar kumba ka long mynta kata ka jaka ki don hynriew tylli ki jaka rung jaka mih, lai tylli ia kiba leit sha Guwahati bad lai tylli kiba rung ban wan na Guwhati.

Da ka jignshna shuh ar tylli ki jaka rung jaka mih kan iarap ia ki kali ban nym ieng slem shuh ha katei ka jaka kane ka jingtrei ka la iaid sha khmat ha kaba ka NHAI kala pyntrei mynta da kaba phah tih ha katei ka jaka ha 20 Mer kaba don ha Ri Bhoi District.

Ki jaka rung ha katei ka khyrdop khrong pisa jong ka NHAI ha 20 mer la buh kyrpang kawei ban rung tang ia ki heh sorkar, kawei ia ki kali ri bad kawei ia ki kale heh, ia kiba leit na Shillong sha Guwahati bad kum juh kiba an na Guwahati.

Da kane jingshna ia kine ki ar tylli ki jaka rung jaka mih kan iarap shibun ban pynsted ia ka leit ka wan jong ki kali kiba hap ban iaid lyngba kane ka surok bah Shillong sha Guwhati, kane ka jingtrei kala iaid sha khmat mynta.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet