Ban pyrshah ia ka jingai jingmut ka PSC yn khot ia ka jingialang jong baroh ki ADC: Titos

Shillong, Naiwieng 19: U Chief executive Member jong ka KHADC u bah Titosstarwell Chyne mynta ka sngi u la ong ba shen ynsa khot ia ka jingialang jong baroh ki Autonomous District Council ban pynpaw ia ka jingpyrshah ia ki katto katne ki jingpynkylla jong ka Parliamentary Standing Committee ha kaba ia dei bad ki District Council.

Haba  kren sha ki lat pathai khubor mynta ka sngi u CEM jong ka KHADC  u la ong ba ka Parliamentary Standing Committee kala wan sha Shillong ban ia kynduh ia ki briew ban pan jingmut ha kaba ia dei bad ka jingthmu ban wanrah ia ka jingpynkylla ia ka khyrngit kaba hynreiw jong ka riti synshar jong ka Ri ia kaba la tip kum ka 125 Amendment.

U bah Titosstarwell u la ong ba kane ka PSC kala ai ia ka kaiphot bad sha ka parliament bad haba la ioh ia ka kaiphot na ka website jong ka parliament ka paw shai ba kane ka PSC kam shym la sngap ia ka jingai jingmut jong ki ADC bad jong ka sorkar jylla ba ki pyrshah ia ki katto katne ki bynta.

Kawei na ki jingpyrshah ka long halor ka jingthung ia ki MDC kiba khlem don ia kita ki nongmih khmat, na ka liang jong kila ai jingmut dei ban pynduh ia ka kyntien “Unrepresented Tribes” dei ban shu ai “Nominated”  lada ki don kin nym lah ban kren ia ka ktien la jong kane kan wan rah ia ka jingeh.

La ong ba halor ka jingthmu ban buh ia ka “Village Council” bad “Municipal Council” na ka liang jong ka KHADC ka pyrshah ia kane namar kane kan ktah ia ka Riti Dustur bad dei ban pynneh ia ka Dorbar shnong kaba la ithuh da ka Riti synshar jong ka Ri India.

Na ka liang jong ka KHADC kala ai jingmut ba na ki 37 ngut ki MDC ka KHADC kala ai jingmut ban jied 35 ngut kiba dei ban shu jied bad ar ngut dei ban shuthung bad kim ia hap ban pynkiew sha ka 40 ngut ki MDC. Ka KHADC ka dawa ruh ba dei ban pynkylla ia ka paragraph ba 20 jong ka Sixth schedule ba ha ka jaka President dei ban buh noh da ka ktien Lat.

Kawei ka long halor ka bor jong ka Article 200 ka dei ban trei kam ha ki Sixth Schedule ha ka ba kane ka Article 200 ka dei halor ka jingioh jingmynjur ia ki Bills ki ba la pass da ka ingdorbar jong ka Council bad haba u Lat shisien ba la phah ia kano kano ka Bill ka ba la pass da ka Council bad lada u phah biang ban pynbeit  bad lada la phah biang ia u ha ka sien kaba ar yn nym lah ban kyntait shuh ia ka Bill.

U la iathuh ruh ba don na ki katto katne ki jingaijingmut jong ka ne ka Commitee ha ka ba ia dei bad ka Article 280 ha ka ba ia dei bad ka jingbei pisa bad ban weng noh ia ka jingbat ar kam bad ia ka District Council mynta kin pynkylla noh sha ka  Khasi Hills Territorial Council.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet