Ban pyrshah ia ka jingsynshar bakla ka BJP ia khih ka Cong  da kaba iaid paidbah

Shillong, Naiwieng 09: Kum shibynta na ka jingiakhih ha ka ri baroh kawei ban pyrshah ia ka jingsynshar bakla jong ka BJP bad ia ka jingthmu ban pyntrei kam ia ka Citizenship Amendment Bill, ka Meghalaya Pradesh Congress Committee mynta ka sngi kala pynlong ia ka jingiakhih ha kane ka nongbah Shillong da kaba iaid paidbah na Congress Bhavan sha Khyndailad.

U President jong ka MPCC u Dr Celestine Lyngdoh haba kren ha ki lad pathai khubor u la ong ba ka All India Congress Committee kala bethah ba baroh ki jylla ha ka Ri India ban ia khih pyrshah bad kane kala sdang naduh ka san tarik haduh ka katsan tarik mynta u bnai.

Kane ka jingiakhih ka long ban pyrshah ia ka jingsynshar bakla jong ka BJP, la ong ba ka jingkyrduh kam jong ki samla ka long kaba siew palat mynta ban ia ki 45 snem kiba la leitnoh. La kynnoh ba la nangbun kiba noh iap ki nongrep, ka jingwanrah ia ka jigniashrud na ka kyrteng jong ka niam.

Haba phai sha kata ka “Make in India” ka sorkar pdeng kala pynlut pisa shibun hynrei ym don ba wan ban seng kam ha kane ka Ri India, u Dr Lyngdoh u la ong ba wat u ta u ba kren ia ka tei ka phang ruh u la sngap jar. U la ong ba ka sorkar  pdeng kala pynlut shibun ka pisa ha ka jingpynbna paidbah.

Ki nongkyrshan jong ka party Congress kiba la ia mih mynta ka sngi ki long hapoh ka shispah ngut, ki MLA kiba la ia poi ki sha kane ka jingiaid  ki long u Bah Himalaya Shangpliang, Bah PT Sawkmie, Dr Azad Saman, ki MDC u bah Banjop Pyngrope, bah Carnes Sohshang bad u bah Charles Marngar.

What Next?

Recent Articles

Leave a Reply

Submit Comment

*