Shillong, Lber 01: Ban ialeh pyrshah ia ki kam dih drugs ki khynnah skul jong ka seng Khasi, Jaiaw mynta ka sngi kila pynlong ia ka jingrah lama ha ki surok jong kane ka thain Jaiaw Mawkhar ban pyrta pyrshah ia une u jingdih ba sniew.
Kine ki khynnah skul kila mih na skul jong ki kaba don ha Jaiaw bad iaid ter ter ia ka surok na Jaiaw sha Mawkhar bad poi sha Motphran bad nangto ki sa leit phai biang sha skul ryngat ka jingrah ia ki jingtoh ban pyrshah ia kane ka jingdih ba siew.
Ha kane ka jingiaid lynti kila ia pyrta ban long long “Hero” ym don kam ban da dih da u “Herion” kila rah ia ki jingthoh ba dei ban kiar lai lum lai wah na ka jingdih drugs namar ka wanrah ia ka jingsniew ym ia ka jingbha.
Kumba ka long mynta ka jingdih drugs jong ki samla ha kane ka nongbah Shillong kala long kaba la jyllei bha bad kane kam dei shuh tang ia ki samla hynrei wat ha kiba la rangbah ruh, kum shibynta ban ia leh pyrshah ia kane ka jingsniew ki khynnah skul jong ka Seng Khasi kila pynlong ia kane ka jingiaid ban pyrta ban pyrshah ia kane ka jingsniew.
