Ban rakhe ia ka jingdap 69 snem ka IOA, yn ia kynduhlang ki khlieh nongsynshar shnong

Shillong, Nailar 11: Kumba la rai Ka Dorbar Grand Council of Chiefs of Meghalaya (kaba kynthup Ka Dorbar Ki khlieh Nongsynshar ka Ri Hynniewtrep, Federation of Khasi States, Ka Dorbar Ki Dolloi, Ki Sirdarship bad Council of Nokmas) ban pynlong ka jingiakynduh kumba la iakut lang baroh shisien shi snem jong ki Nongsynshar naduh Dorbar Shnong, Dorbar Kur, Dorbar Raid, haduh Dorbar Hima, Ki Bakhraw, ki Longsan, ki President bad Secretary kur , ki Rangbah kur, Rangbah Shnong , Dorbar Raid bad Dorbar Hima  kynthup ia ki Seng Samla Shnong , Seng Samla Hima , Ki Seng Longkmie, ki Sengbhalang, bad ki riewkhmat, ha ka 17 Nailart 2017, ha Youth Hostel, hajan Addl Secretariat, Shillong.

Kane ka jingiakynduh ka long  ban ia iakren, iaphylliew jingmut, bad ban ia syllok, halor ka jingdap hynriew phew khyndai (69) snem (1948-2017) ki jingiateh bad jingkular naduh ka sngi ba soi bad mynjur hapdeng ka Sorkar India bad ki arphewsan Hima Khasi States, ia ki dulir jingiateh bad ki jingkular (Instrument of Accession and Annexed Agreemen) ha ka 17 August 1948.

Ka kam ka khia, ngi donkam ban ia snoh kti ia tylli lang baroh ban iada ka hok ki khun ki hajar bad khamtam ka hok ki bor synshar, khaddar bad bishar jong ki Dorbar Kur, Dorbar Shnong , Dorbar Raid bad Dorbar Hima, ka por ka dawa ba ki bor Sorkar Jylla – India, kin kdew bad pynpaw noh ia kitei ki dur synshar tynrai bad kitei ki dulir hapoh ka Riti Synshar ka Ri India lyngba ka jingpynkylla (Amendment) ia Constitution ka Ri India hapoh ka Article 370(A), khnang ba ka Ri India kan tip bad ithuh ia ki Dorbar.

Ha katei ka sngi ngin iakren halor ka phang ka Kyrdan ki Sorkar Synshar Dorbar Shnong, Dorbar Kur, Dorbar Raid bad Dorbar Hima bad ki Nongmihkhmat jong ki hakhmat ka Constitution Ri India khamtam katkum ka Instrument of Accession bad Annexed Agreement 17 August 1948 bad ka jing bym don kano kano ka jingshngain katkum ka khyrnit kaba hynriew.

Da ka jingngewkhia ngi kyrpad ia phi bad ka Dorbar ban shim khia ban pyntip bad ban iawer ia baroh ki Rangbah hapoh ka Hima/Elaka bad ban pylliat por khnang khnang ha katei ka sngi 17 August 2017, naduh ka por 11.00 AM baje mynstep, ha Dinam Hall, Jaiaw, Shillong, kum ka dak jong ka jingiatylli bad ba kan ai mynsiem ia ki Khun ka Ri bad kum ki Khlieh Nongsynshar ngi dang iai buddien ia ki hok john ka Ri Hynniewtrep.

Kumta, ka Grand Council of Chiefs of Meghalaya (kaba kynthup ia Ka Dorbar Ki Khlieh Nongsynshar, Federartion of Khasi States, Ki Sirdarship, ka Dorbar ki Dolloi, ka Council of Nokmas) ka kyrpad ia ka jingiadonlang jong phi ki Nongsynshar bad ka Dorbar, ha ryngkat ki Syiem, Lyngdoh, Sirdar, ki Bakhraw( Myntri, Lyngdoh, Lyngskor, Basan), Sordar, Rangbah Shnong, naduh Kur, Shnong, Raid, bad Hima, ha katei ka sngi 17 tarik August 2017, por 11:00Am baje mynstep ha Youth Hostel, hajan Addl Secretariat, Shillong.  Sngewbha pyntip ia ka jingiadon lang ka jong phi lyngba ka sms sha u mobile 9436102663 ban sngewthuh.

 

What Next?

Recent Articles

Leave a Reply

Submit Comment
*