Ban rat diengkhong ia ka jingbiej dei ban beh shaphrang sha ka jing nang ka jingstad: Banteidor

Bantei dorShillong, Risaw 12: Ka Laitkyrhong RCLP School, kum shibynta ban wanrah ia ka jing iatreilang hapdeng ki bor pyniad jong ka Skul lem bad ki kmie ki kpa jong ki khynnah skul ka la pynlong ia ka jingrakhe ia ka sngi burom ki kmie ki kpa, ha ka jingialang kaba ishongkun bad kaba iphuh iphieng da ka jing iashimbynta shit rhem ruh da ki kmie ki kpa bad kumjuh ruh ki khynnah Shul.

Ia ka jingrakhe ia ka Parents Day ha katei ka sngi nalor ki kmie ki kpa jong ki khynnah skul la ia don ryngkat ruh da kiba bun ki kynrem ki lyndan, kiwei de ki nong shah khot sngewbha ha ryngkat ka jingiadonlang jong u Bah Banteidor Lyngdoh MDC Mawkynrew Constituency kum u kongsan ha kaba la synran lang ruh da u Bah Shonroy Rynjah, Secretary Shnong Laitkyrhong.

Haba kren kum u Kongsan ha katei ka sngi na ka liang jong u Bah Banteidor Lyngdoh MDC Mawkynrew Constituency u la ai ka jingiaroh bad ka jing sngewnguh shikatdei eh ia ka Laitkyrhong RCLP School kaba la shimkhia ia kane ka sienjam kaba kongsan tam ban tehsong ia ka jingiadei hapdeng ki Kmie ki Kpa bad ki bor pyniaid jong ka Skul khnang ba kin nang lah ban pyntyllun shaphrang ia ka shalyntem jong ka Pule.

Ban rat diengkhong ia ka jingbiej dei ban beh shaphrang sha ka jing nang ka jingstad bad khamtam eh ban saindur ia ka lawei jong ki Khynnah Skul. Shuh shuh na ka liang jong u Kongsan u la ai khublei kyrpang ruh ia ki Kmie ki kpa jong ki Khynnah Skul da kaba ong ba watla kiba bun kidei tang ki Nongrep hynrei ki long kiba kloi ban aiti lut met bad mynsiem ban pynioh ia ki khun ki kti ia ka jingnang jingstad kaba paka tam.

U Bah Banteidor u la ban jur bad kyntu ruh ba ka jingiatreilang kadei tang maka ka lynti kaba janai tam ban kyntiew iaka jing nang jingtip, ka ioh ka kot, ka roi ka par bad kumta ter ter ha kaba u la kular ruh ba na ka liang jong u wat la u long makna tang kum u MDC ha i bor iba rit un iai pyrshang katba lah ban wad ki lad ki lynti na ka bynta ban kyntiew ia kane ka skul kaba long ruh ka Shlem saindur na ka bynta ki Khynnah Skul jong ka Shnong Laitkyrhong.

La sdang ia jingialang  da ka jingthang ia ka Sharak ha kaba la pynbud ia ka jingshad ha ka sur jong ka jingduwai, ki jing rwai, ka Drama lyngkot bad kumjuh ruh da ka jing shad tynrai da ki khynnah skul jong ka Laitkyrhong RCLP School, La ioh ia ka jingkren na ki Dkhot jong ka School Managing Committee, Ka jing pule ia ka Report jong ka Skul na i Headmistress, Jing kren ai mynsiem na u Sordar Shnong Lait Kyrhong U Bah Andra Rynjah, bad ka jingkren kaba kham kyrpang na u Fr. Valerian uba dei ruh ha kajuh ka por u Parish Priest.

What Next?

Recent Articles

Leave a Reply

Submit Comment
*