Shillong, Lber 01: La pyntip ia ki Jylla shaphang ka jinglap ia ki nongiashim bynta ha ka Tablighi Jamat namar kane ka la kyntiew ia ka jingma jong ki jingpyrshang ban tehlakam ia ka COVID-19. La bthah ia ki Jylla ban leh tyngeh ban pyndep ia ka kam ban lap ia kine ki briew.
La lap ba ki briew kiba wan nabar ri kiba iashim bynta ha ka Tablighi Jamat ki la pynkhein ia ki kyndon visa. La bthah ia ka Jylla ban shim ia ki lad pynshitom pyrshah ia kito kiba wan nabar ri kiba pynkhein ia ka kyndon visa bad ia ki nongpyniaid jong kane ka prokram.
La bthah ia ki Jylla ban pyntreikam ia ka PM Garib Kalyan Yojana hapoh ka taiew ban wan. Kane kan kynthup ia ka pisa kaba bun ban phah sha ki nongioh jingmyntoi. Dei ban pyniaid ia kane ha ka rukom kaba ryntih khnang ban pynthikna ia ka jingiajngai para briew.
La ong ruh ba ia ka pakhang shnong la pyntreikam bha ha baroh kawei ka ri. La bthah ia ki jylla ban pynthikna ba dei ban shah ia ka jingkit ia ki mar khlem kano kano ka jingpynthut na kawei ka jylla sha kawei da kaba pynneh ia ka jingiajngai para briew.
Dei ban pynthikna ka jingpynmih ia ki mar ba kongsan, dei ban pynneh ruh ka jingpynpoi ia kum kine ki mar ba kongsan.
