Shillong, Lber 16: U myntri kam poh iing ka jylla u Bah HDR Lyngdoh haba jubab ia ka jingkylli jong u Bah Diosstarness Jyndiang MLA jong ka Nongstoin halor ka jingjur palat ka jingdheng kali ha Nongstoin, na ka liang jong u myntri u la ong ba ka tnad kam poh iing kala pan pulit shuh na ka sorkar ban pynbun ia ki pulit ha Nongstoin ban peit ia kane ka jingdheng kali.
U myntri u la ong ba la pan na ka sorkar ba kan ai u wei u DSP, u wei u inspector, ar ngut ki Sub-Inspector bad 10 ngut ki Constable ban pyniaid ia ki kali hapoh jong ka sor Nongstoin. Namar ia mynta ki don tang ar ngut ki sub-Inspector ban pyniaid ia ki kali.
La iathuh hapoh ka iing dorbar ba la thaw ia ka committee hapoh ka jingpeit jongu Deputy Commissioner ban wad ia ka jaka ban pynieng kali hapoh jong katei ka sor Nongstoin, ha kaba u SP, bad u Syiem jong ka hima Nongstoin ruh un ia don lang ban ia peit ia ka jaka ieng kali ba ka sorkar ka shim ban shna jaka ieng kali.
La iathuh ba ka jingsah kut kali hapoh jong ka sor Nongstoin ka long ba mynta kam don ia ka jaka ieng kali, bad ki kali baroh kiba wan na kylleng kylleng ki poi peit ha ka surok NH-44 E bad ki kali baroh kiba don hapoh jong ka sorkar Nongstoin haduh mynta kila kot haduh ka 1500 tylli.
