Ban thung ia ki MBBS doctor sha ki nongkyndong ka hap ha ka jingpeit ki sorkar jylla:Patel

New Delhi, Lber 13: Ban thung ia ki MBBS doctor sha ki sha ki jaka ai jingsumar sha ki nongkyndong ka dei ka kam jong ki sorkar jylla bad ka jingbit ban ai ia ki MBBS doctor kiba kwah ban pule ha ka kyrdan Post Graduate ka shnong ha ki sorkar jylla namar ki sorkar jylla ki dei ki nongai kam. Ban pynshlur ia ki doctor ban trei sha ki nongkyndong na ka liang jong ka MCI da ka jingbit na ka sorkar kala pynkylla ia ka Post Graduate Medical Education Regulations, 2000.

Ka jingthmu jong kane ka jingpynkylla ka long ba 50% na ki jaka pule kiba don ha ka jingpule ia ka Post Graduate Diploma Courses la mang kyrpang na ka bynta kito ki doctor kiba la trei bad ka sorkar jylla na ka bynta lai snem sha ki nongkyndong, ha dien ba ki dep ia ka jingpule ki hap ban trei sa ar snem sha ki nongkyndong.

Ka jingmyntoi kaba ki doctor kinioh ka long ba mang 10% na ki mark ba ki ioh man u snem ha ka kam kaba ki trei bad kito kiba trei ha ki jaka ba jynjar ki lah ban ioh haduh 30% ki mark ha ka examin ban ioh pule sha ka Post Graduate Medical Courses.

Shuh shuh la ong ba hapoh jong ka HNM, la ai ruh ia ka jingiarap pisa na ka bynta ki doctor MBBS bad ki doctor PG kiba tei sha ki jaka nongkyndong, kane ka jingiarap kyrpang ka long nalor ka tulop kaba ki doctor ki ioh, na ka liang jong ka sorkar pdeng kala bethah ia ki sorkar jylla bad ia ki Union Territory ba kin wan sha khmat ban thaw ia ka HR Policy na ka bynta ban khring ia ki doctor ba kin trei ha ki jaka ai jingsumar jong ka sorkar.

Ia kane la jubab da ka myntri khynnah ka tnad ka koit ka khiah jong ka sorkar pdeng ka Anupriya Patel da ka jingthoh hapoh Rajya Sabha mynta ka sngi.

 

 

 

 

 

What Next?

Recent Articles

Leave a Reply

Submit Comment
*