Ban weng ia ka jingiakynad jaidbynriew ha thain Sabuda thaw ia ka “Peace Committee”

Shillong, Iaiong 20: Ban weng ia ki jingiakynad jaidbynriew ha ka thain Blok-II kaba la wanrah ia ka jingeh ia ki paidbah kiba don sha katei ka thain Sabud na ka daw jong ka jingiakynad mynta ka sngi kala don ka jingiakynduh lang ki rangbah shnong na Meghalaya kaba hap hapoh jong ka Ri Bhoi District bad kiba na Assam kiba hap hapoh jong ka West Karbi Anglong District.

Kane ka jingiakynduh kaba la long mynta ka sngi ka long ban weng ia kane ka jingeh kaba la ktah ia baroh arliang na kane ka daw jong ka jingiakynad kaba la mih ha kine ki khyndait sngi, kane ka jingiakynduh ki nongpyniad shnong na baroh ar liang ka long ban wanrah biang ia ka shongsuk shongsain ha katei ka thain.

Ha kane ka jingiakynduh kila poi ha ka jingiasngewthuh jingmut ban thaw ia ka kommittee ban wanrah jingsuk kaba la tip kum ka “Peace Committee” ban pynthikna ban wanrah ia ka shongsuk shongsain ha katei ka thian Block-II kaba la buh mynta ia ki paidbah ha ka jingeh na baroh arliang.

Ha kane ka jingialang la jied ia u bah  Joplin Sten, Rangbah shnong ka Mawlasnai kum u shognknor bad ia u Gyan Bahadur Chettri rangbah shnong ka Umru na  Assam kum u General Secretary bad la shim ruh ka jingmynjur ba shen yn sa buh sa ki dkhot katei ka committee bad yn jied mar mar san ngut na kawei kawei ka jylla.

Kane ka jingialang kaba la long mynta ka sngi kila rai ban pyntip sha ki Deputy Commissioner halor kane ka Peace Committee, kaba hap ha ki ar tylli ki District ha Ri Bhoi jong ka jylla Meghalaya bad sha u Deputy Commissioner jong ka West Karbi Anglong District bad ki Deputy Commissioner kila pdiang ia kane ka rai ban wanrah jingsuk.

Ka jingialang kala shim ia ka rai ba ki heh pulit jong ki ar tylli ki District ba kin long ki nongabuid ia kane ka kynhun wad jingsuk bad kane ka “Peace Committee”  kan don lang ki bor jong ka ain bad ha kane ka sngi la weng ruh ia ki jingbidong ha kaba ia dei bad ka leit ka wan ki briew ha katei ka thain.

Ia kane ka jingialang la skhi lang ruh da ki seng bhalang na ki Meghalaya, u president  ka HNYF u bah Sadon Blah u bah Bipul Thangkhiew president ka RBYF bad Assam la don lang ki nongialam jong ka seng KSA. Ha kane ka jingialang la don lang ki pulit na baroh arliang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet