Baroh 22 ngut kiba mynsaw ha ka jingkylla ka kali ki shipai BSF la sumar ha NEIGRIHMS

Shillong, Naiwieng 01:  Arphew ar ngut ki nongpang la phah sumar sha NEIGRIHMS hadien ba ka bus kaba kit ia ki shipai BSF ka la thung baji ha kawei ka riat ha Umtyra, East Jaiñtia Hills ha ka 30 tarik u Risaw 2019.

Ha ka por ba lyngkot bha, ka bor pyniaid jong ka NEIGRIHMS ka la pyntip mar mar ia ki heh jong ki tnad baroh. Kiba mynsaw ki sdang poi sha ka NEIGRIHMS Casualty naduh 9 baje mynmiet. Ki doctor ki trei bad sumar baroh shimiet ia ki nongpang.

Lai ngut na ki ba mynsaw ki don ha ICU, san ngut ha ka Orthopaedics ward, lai ha Casualty, iwei ha Neurosurgery, iwei ha General Surgery ward, bad ia kiwei pat la pyllait noh hadien ba la ai jingsumar ia ki.

U Director NEIGRIHMS u la leit jngoh ia baroh kiba mynsaw ryngkat bad u HoD Orthopaedics, HoD General Surgery bad u Medical Superintendent. U Director ka NEIGRIHMS, u Prof (Dr.) D. M. Thappa u ai khublei ia ki Doktor bad kiwei pat ki nongtrei kiba trei baroh shimiet ban pynim ia ki jingim ba kordor.

 

What Next?

Recent Articles

Leave a Reply

Submit Comment

*