Baroh 60 ngut ki MLA, 3 ki MP dei ban ia treilang ban ioh ia ka CAU ha Meghalaya: Process

Shillong, Jylliew 26: U nongbat shabuk jong ka liang pyrshah u Bah Process T Sawkmie mynta ka sngi u la khot lawer ia baroh 60 ngut ki MLA jong ka iing dorbar thawain ka jylla bad baroh 3 ngut ki MP jong ka jylla ban ia treilang ban pynthikna ba ia ka “Central Agriculture  University” (CAU) dei ban ioh hapoh jong ka jylla Meghalaya.

Haba kren ha ki lad pathai khubor mynta ka sngi u Bah Sawkmie u la ong ba dei ha u snem 2010 la pynbna ban seng ia ka CAU ha Meghalaya bad dei halor katei ka jingkular jong ka sorkar pdeng ba ka sorkar jylla ka thied ka jaka 91610192 sq meter bad ia kane bad la aiti sha ka sorkar pdeng ban buh ia ka CAU.

Hynrei kaba la pynlyngoh ka long ba mynta kala mih da ka College ha katei ka jaka, dei na kane ka daw ba u khot u wer ia baroh ki MLA jong ka jylla Meghalaya bad ki 3 ngut ki MP ban ia trei lang ban pynioh ia ka CAU kumba la kular naduh bas dang ia ka jylla Meghalaya.

Haba jubab ia ki jingkylli u la ong ba um kwah ban kdew iano iano namar ba ha kitei ki snem ym shym long u MLA, hynrei kaei kaba don kam ka long ba na ka bynta ka jingmyntoi jong ka jylla dei ban ia trei lang na ka bynta kane ka kam ban pynthikna ba ka CAU ka dei ban don ha Meghalaya.

Na ka liang jong u Bah Sawkmie u la ong ba kane ka sorkar kaba mynta ruh kala shim khia ia kane ka kam, hynrei don kam ia ka jingiatreilang jong baroh namar kane ka dei ka burom bad ka jingmyntoi ia ka jylla bad ban pynthikna ba ka jylla kam dei ban duh ia kane ka CAU kumba la kular naduh ba sdang bad katkum ki jingpynbna sorkar kiba la leh ha u snem 2010.

 

 

 

What Next?

Recent Articles

Leave a Reply

Submit Comment

*