Shillong, Iaiong 30: U Secretary ka tnad Political u Bah Cyril VD Deingdoh ha ka shithi kaba u la phah sha baroh ki Deputy Commissioner ha ka miet 29/04/2020 u la pyntip ba la sha ia ki briew ban ia leit ia wan na kawei ka District sha kawei kiba dei hapoh ki Green Zone.
Ha ka shithi kaba la phah sha baroh ki Deputy Commissioner u Bah Diengdoh u la thoh shai ba ia mynta 10 tylli ki District hapoh ka jylla laitnoh ka East Khasi Hills District ki hap hapoh ka Green Zone namar ba kam shym don kano kano ka jingioh jigntip ban don kiba ioh pang COVID-19.
Kumta baroh ki Deputy Commissioner kiba hap hapoh ki Green Zone ki lah ban shah ia ki briew ban ia leit ia wan na kawei ka District sha kawei pat, hynrei ki briew ki dei ban long tang na ki District ba dei ki Green Zone.
Ha jingbthah kaba la phah sha ki Deputy Commissioner ha ka miet 29/04/2020 kala kren shai kdar ba kim dei ban iaid lyngba ka East Khasi Hills District.
Ka jingpeit bniah ia ki briew ha ki jaka rung jaka mih dei ban but ryntih ia ki kyndon kiba la bthah da ka tnad ka koit ka khiah jong ka sorkar jylla, la ong u Secretary ka tnad political haba pynmih ia ka hukum.
