Shillong, Iaiong 23: Baroh ki khynnah ki don ia ka hok jong ki ban ioh ia ka jingsumar ha kaba ia dei bad ka koit ka khiah, ia kane la kren da u MLA jong ka Mawphlang u Bah SK Sunn haba plie paidbah ia ka skhim ai jingsumar ka Special Intensified Mission Indradhanush Programme ha ka jingialang paidbah mynta ka sngi ha ka jingialang paidbah kaba lalong ha iing dorbar jong ka Mawngap.
Ia kane ka jingialang paidbah la pyniaid da ka District Medical Helath Ophisar jong ka East Khasi Hills District jong ka tnad ka koit ka khiah jong ka sorkar jylla. Kane jingpynlong ia ka jingdih dawai kaba kyrpang ia ki khunllungha kane ka jylla kan long lai sien ia kaba nyngkong la sdangmynta ka sngi bad kan kut ha u snem Jylliew.
Haba kren ha kane ka jingialang u bah SK Sunn MLA , u la ong ba lajied 283 tylli ki shnong hapoh jongka East Khasi Hills District ban pynlong ia kane ka jingpyndih dawai kyrpang ia ki khynnah kiba hapoh ka ar snem bad ia ki long kmie kiba ar met.
U la kyntu ia ki kmie ki kpa ba kin ialam ia ki khun jong ki sha kane ka jingpyndih dawai ei kaba la ai da ka sorkar, u la ban jur ba ki long kmie kiba armet ki dei ban shim ia kane ka kabu ban ioh ia ki lad jingiarap na ka bynta ka koit ka khiah. Kiwei kiba la ia don lang ha kane ka sngi ki long Dr JB Ranee District MCH, Dr H Lyngdoh, MHO ba dei peit iaka CHC Mawphlang.
