Shillong, Kyllalyngkot 11: Mynta ka sngi u Derek O’Brien MP ka Rajaya Sabha jong ka party AITC u la kynnoh ba baroh ki party ha Meghalaya kynthup ia ka party Congress ki ia trei lang bad ka BP, ia kaba ka TMC da lei lei kan nym treh ban ia don bynta lang.
Haba kren ha ki lat pathai khubor ha dien ba la pynlait paidbah ia ka jingrwai elekshon ka party ha ka ktien Khasi bad Garo ha ophis jong ka party, u la ong ba ba ka TMC kan ia khun pyrshahia ka BJP la ka long ha iing dorbar parliament bad sha bar jong ka parliament.
Ha kane ka jylla Meghalaya ka TMC kan nym ia treilang ha kane ka elelshon kan iaid marwei namar kiwei ki party baroh kiba ha Meghalaya kila ia trei lang bad ka BJP la ban biang kynthup ia ka Congress, u la ong balei u kdew ia ka party Congress namar ha Goa ki MLA Congress kila leit sha ka party BJP.
La ong ba ka TMC kam don ia kata ka jingpyniaid kiba nalor, ka jingdon jong u sha Meghalay ka long tang an ai ka kti kamon ka kti ka diang sha ka TMC ban ia trei lang namar kiba tip ia ka jylla Meghalaya dei tang ki briew jong ka jylla.
