Baroh kiba wan na bar NE yn shim beit ba ki dei kiba wan na ki Red Zone: Prestone

Shillong, Jymmang 11: U Symbut myntri rangbah ka jylla u bah Prestone Tynsong u la ong ba ka jylla kan niew ba ia baroh kito ki 8000 ngut kiba la register bad ka sorkar kiba don sha bar jong ka North East ba ki wan na ki Red Zone bad haba ki wan kin hap ban test ia ki da ka Rapid Test Kits.

Haba kren ha ki lad pathai khubor mynta ka sngi u la iathuh ba haduh mynta ka sngi kiba la register bad ka sorkar kila kot sha ka 8000 ngut. Ka sorkar ka dang ia kren ban ioh ia ka train bad ki Eroplane ban kit ia ki briew jong ka jylla kiba dang sah kut mynta. Kane ka jingregister ia ki briew ka jylla kiba kwah ban wan phai kan kut mynta ka taiew.

Ka jingshim jong ka sorkar ba baroh kiba wan na sha bar jong ka North East ba ki dei na ki Red Zone ka long ba ym lah ban tip ynda ki wan phai sha lynti kan long kumno, haba ki shnong ha ki kali, ha ki Train, namar ka tain kan iaid na kawei ka jaka sha kawei pat.

La iathuh ba kiba bun na kine ki ban wan phai na sha bar jong ka North East kiba bun tam eh ki dei hapoh jong ka East Khasi Hills District dei na kane ka daw ba don kam ia ka jingiatreilang bad ki dorbar shnong, na ka liang jong ka sorkar ka kyntu ia kiba wan ba kin kham pynsuki khyndait.

U Bah Prestone u la pyntip ba haduh mynta ka sngi la shim ia ki sample haduh 2480 ngut kiba la dep ban ioh resolt ki long 2342 ngut kiba long Negative bad dang ap ia ka reslot ki long 125 ngut. Kiba la ioh pang baroh ki long 13 ngut, iwei la khlad, 10 ngut ki la jem bad kiba dang don ha pdeng ka jingsumar mynta ki long 2 ngut.

La iathuh ba baroh kiba la register kiba don ha ki jylla bapher bapher jong ka North East  kila poi lut mynta ka sngi bad baroh ki long 3030 ngut bad ia kine la phah baroh ba kin leh ia ka quarantine ha ki iing ki sem jong ki.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet