Shillong, Naiwieng 06: Mynta ka sngi ki seng bhalang HANM ha Ri Bhoi District kila ioh ban bat ia kawei ka bos kaba don ia u number AS-25BC-6247 ha Umran Dairy, kine ki briew kiba la shah pynphai ki don 15 ngut.
U President ka seng HANM jong ka Ri Bhoi District u bah Pateng Myrsing la ong ba ha kila bat ia kane ka bus kila kylli bad kila iathuh ban leit sha nongstoin hynrei kine ki briew kim don ia ki kot ki sla ki ba biang kiba la ai da ki bor ka ain.
Kum ka seng kila pyntip sha ki pulit kib don ha Umsning Police station bad na ka liang jong ki pulit ruh khlem pynslem kila pynphai noh ia kine ki briew sha Assam ka jylla kaba ki wan ia kaba la synran da ki bor ka ain ha ka por ba pynphai ia ki.
U President ka seng HANM Ri Bhoi District u la kynnoh ba kane ka jingioh lat jong ki briew ban kiew ka dei ka jingtlot jong ki pulit kiba don hapoh ka Infiltration ha Byrnihat, lada ka long kumne ka jingdon katei ka jaka peit bniah ia ka rung ka mih ki mynder kam don jingmut.
Ka seng HANM ka dawa ba ka sorkar ka dei ban pyntrei kam noh ia ka ILP ban lait na kane ka jignwan kyrthep ki briew kiba na bar khlem da biang ki kot ki sla ban iada ia ka jylla na ka jingwan tyllep ki briew kiba na bar.
