Shillong, Iaiong 02: Ka tnad pla pisa jong ka sorkar Meghalaya mynta ka sngi kala pynmih ia ka jingpynbna ba na ka daw jong ka jingdon kane ka pakhang ban ialeh pyrshah ia u ka khlam COVID-19, la bat noh sha ka sorkar 50% ka tulop u Myntri Rangbah ka jylla , ki Minister, ki IAS, IPS bad ia ki IFS ophisar kaba dei jong u bnai Lber 2020.
Ha kane ka jingpynbna kaba la mih mynta ka sngi kala batai shai ba ia kiwei ki nongtrei jong ka sorkar jylla kin ioh ia ka tulop jong ki kumba ki dei ban ioh kane nym don kano kano ka jingktah ia ki.
Ha kane ka jingpynbna lyngba ka tnad pla pisa jong ka sorkar jylla, la ong ba na ka daw jong kane ka jingpang COVID-19 bad kane ka jingpakhang kan don ka jingktah ia ka jingioh jong ka jylla kaba dei na ka sorkar pdeng ha u ne u snem mang tyngka 2020-21.
Haba ia dei bad kane ka sorkar jylla kala shim ia ki lat ki lynti ban pyndun ia ki jinglut bad ban pynbun ia ka pisa sha kane ka jingialeh pyrshah ia u COVID-19 bad ban pynbiang ia ki marbam mardih na ka bynta ka jingdon kam jong u paidbah.
Dei halor kane ka sorkar kala shim ia ka rai ban bat noh 50% ka tulop jong u Myntri Rangbah ka jylla, ki myntri sorkar ka jylla, ki IAS, IPS bad ki IFS kiba dei hapoh jong ka All India service Officers na ka bynta u bnai Lber 2020. Katba kiwei ki nongtrei sorkar kin ioh ia ka tulop kumba ki dei ban ioh.
