Shillong, Iaiong 09: Ka KSU Shella Unit mynta ka sngi kila bat ia kawei ka kali Bolero Camper kaba don ia u number ML 10 B 3595 kaba mih na Disong kaba la kit bun briew bha bad haba la
bat ia kane ka kali la shem ba ki don 20 ngut ki briew kiba shong ha kane ka kali.
Ki dkhot ka KSU hapoh ka jingialam jong u President u Samla Pynkmenlang Sanmiet ki lah iohi ba don kawei ka kali Bolero Camper kaba don ia u Registration Number ML 10 B 3595, bad kaba kit kumba 20 ngut ei ei ki briew, kane ka la pynlyngngoh iaki dkhot jong ka seng ha kaba mardor hi ki la ia phone ia kiwei ki para samla kiba don ha ka jaka ba katei ka kali ka mut leit, ki samla ka shnong ki lah iathuh ba katei ka kali ka shu wan buh bad ka la leit phai.
Ki dkhot ka KSU ki la phah bat iakatei ka kali ban tohkit iaka iaid ka ieng jong kitei ki briew. Hadien ba la ioh bat, u driver ba niah iakatei ka kali u la iathuh ba kitei baroh ki dei ki nong trei jong uwei u briew u ba la tip kyrteng kum u Batyngshain Rynga.
Bad katei kali kaba kit ia kitei ki briew ruh ka dei ka jong u Bah Batyngshain Rynga. Ynda la tohkit bniah iakane lah lap ba kitei ki mynder ki lah don lypa lah slem haki jaka khlaw ba ki bylla bad ki la sah naduh u bnai Lber hakatei ka thain.
Kaba lyngngoh ka long ba kumno ki pulit kiba don duty ha katei ka jaka ki pyllait ia kitei ki briew bad kumno utei u briew u ba ai bylla bad u ba dei u trai kali u nud ban pynkhein iaki kyndon jong ka ain kumba la pynbna da ka sorkar.
Ka jingleh thurmur jong utei u briew bad ki bor ba dei peit ka wanrah pynban iaka jingshong syier iaki nongshong shnong kiba ju burom bad bud ryntih iaki kyndon ba la pynbna da ka sorkar.
Ka seng ka kyntu jur iaki bor sorkar ba dei peit ban pynshitom iaki ba pynkhein bad khamtam ban nym shah iaki poi wir ban wan rung hapoh shnong bad ha ka thain Shella hi baroh kawei. Ka ong u samla S Ora Publicity secretary KSU Shella Unit.
