Shillong, Iaiong 23: Ki shipai BSF kiba ap ban iada ia u pud sam jong ka Ri bad ban khlang ia ki kam beain ha khappud bad Bangladesh ha ka jan miet jong ka sngi thohdieng kila ioh ban bat saw tylli ki trok bad haba la khyllied ia ki tylpar la lap ba don da ki muid hapoh ki kali.
Katkum ka jingkhein jong ki shipai BSF ba ha kine ki saw tylli ki trok kiba la ioh ban bat ha East Jaintia Hills ki don 57 tylli ki muid kiba thmu ban phah sha Bangladesh lyngba ka khappud namar ha katei ka thain ym pat ker ksainar shiah ha khappud India bad Bangladesh.
Na ka liang jong ki BSF ki pynsngew ba kane ka jingshallan tuh ia ki Masi ki Muid na kane ka jylla Meghalaya sha Bangladesh ka jur bah kham tam ha kane ka por bad ki nongkhaii beain ki ialeh katba lah ban pynrung ia ki masi sha Bangladesh wat ha pdeng ka jingpahara kaba jur ki shipai BSF.
