Shillong, Lber 16: Mynta ka sngi u bah Ernest Mawrie State President jong ka party BJP u la pyntip ba la beh ia u bah Micheal Kharsyntiew namar ki kam pyrshah party ha kaba u la ia khun ia ka MLA na 17-North Shillong bad ia u Pramod Koch na Dalu.
Kitei ki ar ngut u bah Micheal Kharsyntiew bad u Pramod Koch kila ia khun ia ka MLA elekshon pyrshah ia ki kyrtong kiba la pynieng da ka party, kane ka jingleh jong ka ka long pyrshah ia ka party kumta la beh ruh ia ki na ka party.
Katba ia u bah Daniel Wahlang ba dei na Mawsynram la beh ia u namar ki kam ba u la leit ban kanbas pyrshah ia u kyrtong ka party na katei ka konstitwensi ha kane ka MLA elekshon 2023 kaba dang shu dep.
