Behtah ka GoI, baroh ki Satellite TV channel ki dei ban iaid katkum ki kyndon ba la buh

Shillong, Jylliew 18: Ka tnat Information & Broadcasting ka la iohi ba bun ki prokram Reality Show mynta ki pyni ia ki khynnah khyllung kiba iashad ha ka rukom ba la shad shuwa da ki rangbah ha ki phlim bad kiwei kiwei ki rukom pynbyrnia .

Kine ki rukom shad, teng teng ki long kiba khlem akor bad kim iahap ia ki khynnah khyllung. Kine ki lah ban ktah ruh ia ki khynnah kiba dang lung bad kiba dang shah ialam ha ki rukom kiba bun.

La bethah ia baroh ki Satellite TV channel shimet ki dei ban iaid katkum ki kyndon ba la buh ha ka Programme bad  Advertising Codes kiba don ha ka Cable Television Networks (Regulation) Act, 1995 bad ki ain kiba la thaw.

Katkum kine ki kyndon, ym shah ban pyni ia kano kano ka prokram kaba pyni bein ia ki khynnah khyllung, bad khamtam kine ki prokram kiba dei na ka bynta ki khynnah khyllung kim  dei ban don ki ktien khlem akor bad ki jingiashoh jingiakulmar.

Ka tnat Information bad Broadcasting ka la ai jingtip shaphang kane sha baroh ki satellite TV channel shimet ba kin kiar ba kin pyni ia ki khynnah ha ki rukom ba i khlem akor ha ki Reality Show kiba iadei bad ka jingshad ne kiwei kiwei pat. La bthah ruh ia kine ki channel ba kin peit thuh ia kine baroh haba ki pyni ia kum kine ki Reality Show ne ki prokram.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet