Shillong, Naitung 27: Ka seng Hynniewtrep Youth Council (HYC) kawei na ki seng bhalang mynta ka sngi kala betng biang ia ka jingiakhih ka jong ki ban dawa na ka sorkar ba ka dei ban pyntrei kam noh ia ka ILP ha kane ka jylla Meghalaya da kaba pynlong ia ka jingiashong kyllain mungor tang ki nongialam jong ka seng kmie ha jan Additional Secretariat.
Kane ka jingiakhih shong kyllain mungkor ka jong ki ka long ar kynta naduh kapor lai baje haduh ka por wai trei ki nongtrei sorkar san baje. Kane ka jingiakhih ka jong ki da kaba jai jai ka long ban pynbor ia ka sorkar ba ka lad jingiada na ka jingwan rung tuh ki briew kiba na bar sha kane ka jylla dei tang ia ka ILP.
Halor kane ka juh ka phang ka HYC kala khot ia ki MLA baroh kiba don ha ka liang jong ka sorkar ba kin a kynduh ha ka 29 tarik mynta u bnai la sngi saitjian, ka jingkhot ka jong ki ia ki MLA jong ka liang Synsahr ka long ban sngewthuh aiu ki don ban ong halor kane ka ILP kaba ka seng ka dawa.
Ia ka jingiakhih shong kyllain mungor mynta ka sngi la ialam da u president ka seng u Bah Peter Lawai u Bah Robert K Jahrin General Secretary jong ka seng ha kaba la ia don lang ruh ki dkhot jong ka seng na ka seng kmie.
