Beteng ka KSU ia ki jingialang paidbah ha Iew Smit, ban pyrshah ia ka CAA dawa ILP

Shillong,Kyllalyngkot 19: Ka KSU Eastern central Area ryngkat ka Smit unit ha katei ka sngi ka la pynlong ia ka jingialang paidbah ha iew Smit kum shi bynta ban pyrshah ia ka CAA bad ban dawa ia ka ILP na ka sorkar pdeng.

Ha katei ka sngi la ioh ia ki jingkren na ki nongialam shnong bad u sordar jong ka smit pyllun u Bah Marbat Kharbyngar lem bad ki nongialam ka KSU Central Executive Council kiba kynthup ia u samla Raymond kharjana incharge Easter central bad KSU CEC bad u samla Donald V Thabah, GS, KSU CEC bad kiwei kiwei dei ki nongialam ka seng ia ka jingkren maitphang haba iadei bad ka CAA bad ILP kren da u samla Kheinkor kharrngi

Ha kane ka jingialang la la pynshai paidbah da ka KSU halor ka jingma kaba ap na ka CAA lyngba ka jingiohlad ki briew na Bangladesh da kaba suk ban rung suk ha jylla Meghalaya lyngba u pud u sam uba jrong 443 km bad lyngba na Assam.

Haka jingkren jong u samla Donald V Thabah General secretary KSU sengkmie u la ban jur ba ka jingdon u pud u sam 443km hapdeng ka India bad Bangaladesh ka pynlong ia kine ki poiwir ban rung suk haka jylla, la pynkynmaw ruh ba haka Bangladesh liberation war 1971 ka sorkar India khlem ka jingtip jongki Dorbar shnong kala pdiang iakita ki powir bad kala pynsah hapoh rynjah ,jailroad, Laban.

Kine ki refugees ynda lakut ka thma ruh kim leit phai shuh shala ka jong ka ri ki lah long kylla ki trai ri trai muluk bad ki la pynma pyntieng ia ki paitbah ha kito ki por , u samla Donald u la maham ba lada kita ki poiwir 1.40 klur ngut ki wan tang 15 lak ruh kan jia aiu iaka jaitbynriew, u ne u nongialam ka seng KSU u la banjur iaki paid jong kathain bad iaki nongkitkam shnong ban long kiba husiar.

La pyntip ruh ba lyngba ka Indo Nepal Friendship Treaty 1950 ka jingwan buhai shnong ki briew na Nepal ka jur bha sha jylla Meghalaya kaba la sakhi haduh mynta hapoh sor Shillong bad ki thaiñ khappud wat lada ka Nepal ka jngai da ki hajar km na jylla Meghalaya.

U samla Donald u la pynshai paidbah ruh ba ka kynja CAA ka la treikam mynshwa ha u snem 1971 ha kaba ka sorkar India ka la ai jaka shong jaka sah ia ki phetwir na East Pakistan ha ka por jong ka Bangladesh Liberation War.

Kane ka jingai jaka sah ia ki phetwir Bangladeshi la leh da ka sorkar India khlem da ia syllok shwa bad ki nongsynshar shnong bad ki nongialam ka United Khasi Jaintia Hills Autonomous District ha kato ka por.

Ka jingwan kine ki poi wir na Bangladesh ka la ktah jur bha ia ka shongsuk shongsain ka jylla haduh mynta bad bun bha ki jaka ba ki Khasi ki la duh ia ka jinglong trai ha la ka khyndew ka shyiap, ka khaii ka pateng bad ka synshar ka khadar. Khatduh la kyntu ia ki paidbah ka thaiñ ban ia snoh kti lang ha ka ban ialeh pyrshah ia ka aiñ CAA bad ban dawa ia ka ILP.

La pynkynmaw ruh ba ka jingdawa ILP jong ka KSU ka la sahteng na duh u snem 1987, 2001 bad 2013 bad mynta ka kynti ka la dei ka por ban ioh noh ia kane ka aiñ namar ka seng ka iohi ba haba ym don jingeh ban ai ILP ia ka Manipur balei kan eh ban ai ia ka Meghalaya.

Shuh shuh la bynrap ba lehse imat dei namar ba ki paid Manipur bad Nagaland ki ia khun tyngeh ba ka sorkar India ka pyndem ha ki bad hangta la pynshong nongrim ba ia ki paid Meghalaya kiba ia khih katkum ki riti synshar paidbah ka India ka dei ban sngewthuh lem ha shwa ban jia kano kano kaba sngewsih.

 

What Next?

Recent Articles

Leave a Reply

Submit Comment

*