Bethah ka Deputy Commissioner ia u BDO Mawsynram Block ban pynpoi bam

Shillong, Naitung 13: ka Deputy Commissioner jong ka East Khasi Hills District ka kong Matsiewdor War Nongbri kala bethah ia u Block development Ophisar jong ka Mawsynram Block ban lum jingtip ia ki shnong kiba la shah ktah ha kane ka jingshah lynshop ha ka mariang na ka bynta ban pynpoi ia ki mar bam mardih sha ki paidbah.

Kane ka jingbethah jong ka Deputy Commissioner ka long ha dien ba kala ioh ia ka jingthoh na u MLA jong ka Mawsynram u bah Himalaya Shangpliang ha ka sngi thohdieng bad ha kane ka juh ka sngi kala bethah ia u BDO jong ka Mawsynram Block ban jurip ia ki shnong kiba la shah ktah.

Haba kren ha u SP News Agency u bah Shangpliang u la iathuh ba na ka liang jong ka DC kala leh ia kaba don kam ba u kyrmen ba ha ka sngi nyngkong na ka liang jong ka ophis jong ka Mawsynram Block kala lah ban phah ia ki mar bam sha ki shong kiba la shah ktah ha kane ka jingshah lynshop ha ka mariang.

Ki shong kiba la shah ktah eh ha kane ka jingshah lynshop jong ka mariang ki long ki shnong ha ka thain Hatmawdon, ki shong kiba don ha pdeng ka Ryngkut bad ka Danggar  bad hapdeng jong kine ki jaka ki don kumba 50 tylli ki shnong kiba la shah ktah na ka daw jong ka jingtwa ki surok ha kaba ki kali kim lah shuh ban pynpoi bam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet