Bethah ka HLC ia ki tnad sorkar ba kin pynbiang ia ki kot ba ia dei bad ka Themmotor

HLCShillong, Naitung 09: U Bah Prestone Tynsong Chairman jong ka High Level Committee (HCL) kaba la thung da ka sorkar ban peit bniah ia ki jingdon kam baroh kumno ban leh ha kaba ia dei bad ka Themmoter ha dien ba kala mih ka jingiakhih paidbah, u la iathuh ba mynta ka sngi kila shong ia ka jingialang ban ia kren ia kane ka kam.

Ha dien ka jingiashong pyrkhat kam ka HCL, ha dien ba la ia kren sani bha, na ka liang jong kane ka Committee kala bethah ia baroh ki tnad sorkar kiba ia dei bad kane ka kam ba kin dang hap ban pynbiang shuh shuh ia ki kot ki sla ha kaba ia dei bad katei ka jaka.

Ki tnad sorkar kiba hap ban pynbiang ia ki kot ki sla ki long ka Municipal Board, ka tnad buh jingthoh ia ki kam khyndew, ka tnad pynroi sor bad kum juh na ka liang jong ka Hima Mylliem. Ka Committee ka la bethah ba kin leh kloi katba lah ban pynbiang ia ki kot ki sla.

Haba ia dei bad ka jingjurip ia ka jingdon jong ki briew ha katei ka jaka ynsa sdang biang bad kane ka jingjurip kan long beit tang ia ki nongtrei jong ka Muncipal, namar katkum ka jingkhien ki nongtrei jong ka Municipal ki don 128 ngut, hynrei ia kiwei ka sorkar kan nym don jingtip.

What Next?

Recent Articles

Leave a Reply

Submit Comment

*