Shillong, Naitung 28: Ka Meghalaya State Development Reform’s Commission (MSDRC) kala pynlong ia ka jingialang ha West Jaintia Hills ban peit haduh katno ki skhim jong ka sorkar jylla la pyntrei kam hapoh katei ka District na ka bynta u snem mang tyngka 2015-2016, 2016-2017.
Ha kane ka jingialang ka MSDRC kala khot ia ki 17 tylli ki tnad sorkar ba kin wan sha kane ka jingialang banpeit bniah ia ka rukom pyntrei kam ia ki skhim jong ka sorkar jylla bad ban ia kren ruh kiei ki jingeh kaba ki tnad sorkar ki ia kynduh ha kaba pyntrei kam ia ki skhim sha ki paidbah.
Ha dien ka jingiakren ia ki jingeh bad ia ki jingdkoh haka rukom pyntrei kam na ka liang jong ka commission kala bethah ia ki tnad sorkar ba kin pynbna paidbah ia ki skhim kiba don hapoh jong ki department bad la kyntu ba kin pynlong ruh bun sien ia ki jingialang paidbah ban pynshai ia ki skhim.
Ha kane ka jingialang la lam khmat da u Sengman R Marak, Ex- MLA, Co-Chairman, Meghalaya State Development Reform’s Commission, Suraj Prakash Thapa, Co- Chairman, MSDRC, Vajay Raj, Vice-Chairman, MSDRC, Lamphrang Blah, MDC KHADC, Vice- Chairman , MSDRC, Dr. Fenela Lyngdoh, Non-Official, Member, Meghalaya State Development Reforms, Legal forum, R.Rapthap, IAS, Deputy Commissioner, West Jaintia Hills District, F.M Dopth, MCS, Member Secretary Meghalaya State Development Reform, D.M Wallang bad S. C Laloo, Additional Deputy Commissioners jong ka West Jaintia Hills.
