Bethah u Dr Mukul ia ka tnad rep soh ban pynshlur ban rep ia ki soh ba mih na Jylla

Williamnagar,CM Dr Mukul Sangma distributes Agarr saplings during the mobilisation and distribution of saplings. Nailar 21:U myntri rangbah ka jylla u Dr Mukul Sangma mynta ka sngi u la sam ia ki symbai soh ha hapoh jong ka skhim Horticulture Mission, ia kaba la pynlong ha Songsak Agitokgre ha East Garo Hills District ha kaba u la sam ia ki tynrai dieng Agar, u symbai sohmrit khlaw sha ki paidbah nongrep ha katei ka thain.

Ha ka jingkren jong u myntri rangbah ka jylla u la bethah ia ki nongkit kam shnong ba lada don kino kino ki nongrep kiba kwah ban thung ia kine ki jaid marrep ki lah ban ai kyrteng bad u la kular ba ia ki symbai yn sa pynpoi ha ki shnong kaba ki shong ki sah.

Ha kane ka sngi la ong ruh ba ka sorkar ka sa pyntrei kam noh ia ka skhim kaba yn tip kum ka “Comprehensive Agriculture Planning” haba ia dei bad kane ka sorkar kan sa leh ia ka  satellite mapping ban tip ia ki jaka ba long ban rep ban riang ba kin suk ki nongrep ia ki jaitjingthung aiu ki lah ban rep.

Haba kren kyrpangha kaba ia dei bad u dieng Agar, u myntri rangbah u la ong ba ka jylla kala ioh shibun ki aplikoshon ba ki briew ki kwah ban buh ia kum kane ka karkhana ha kane ka jylla namar u ne u jait dieng u lah ban pyndon kam ha kiba bun ki liang.

Ha kane ka sngi u myntri rangba u la sam ruh ia ki cheques sha ki katto katne ki khynhun ba kin thung ia ki symbai hapoh ka jingpeit jong ka Integrated Basin Development bad Livelihood Promotion Programme bad ha ka juh ka por u la ban jur ban peit kham bniah ha kaba ia dei badki jaid soh kiba dei na ka dong bad ka thain ban kyntiew ia ki ha ka rep ka riang.

Ha kane ka sngi u additional Deputy Commissioner S.K. Marak bad u Distrct Horticulture Officer, jong ka Williamnagar, u  B.G. Momin ruh kila ai jingkren ha kane ka jingialang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet