Shillong, Naiwieng 08: U myntri rangbah ka jylla u Conrad K Sangma mynta ka miet u la bethah iaki pulit ban kem ia kiba don kti ha kaba bom ia ka kong Agnes Kharshiing. La ong ba ka sorkar Meghalaya Democratic Alliance (MDA) ka pynrem jur ia kane ka jingjia kaba la jia mynta ka sngi ha Jaintia Hills.
Na ka liang jong ka sorkar kala dep ban bethah ia ki pulit jong ka East Jiantia Hills District ba kim tohkit ia kane ka jingjia bad kem mar dor ia kito kiba don kti ha kaba bom ia ka Kong Agnes bad ia ka nongbut jong ka.
Ha ka jingpynlait khubor mynta ka miet na ka liang jong u myntri rangbah u la ong ba ha ka synsahr paidbah ka jingdon jong ki kynhun trei mon sngewbha ka long kaba don kam namar dei ma ki kiba kren ia ka jingeh jong ki paidbah.
Kino kino ki jingleh kiba wanrah ia ka jingiamynsaw ka sorkar kan nym lah ban pdiang, ka sorkar kan pynthikna ba kito kiba don kti ha kane ka kam bom briew ki dei ban shah kem bad ban bishar ia ki katkum ka ain, ong u myntri rangbah ka jylla.
