Bethei biang u pipe Um jong ka GSWSS ha Laitjem mynta ka sngi, kylli ki paidbah kaei ka daw

Shillong, Iaiong 21: Mynta ka jan miet u pipe um jong ka GSWSS u la bethei biang ha ka por jan miet ha ka shnong Laitjem bad kane kan ktah ia ka jingpynpoi ia ka umbam umdih sha kane ka nongbah Shillong namar ki paidbah nongshong shnong kane ka nongbah shillong ki shaniah ia ka umdih na katei ka pung ha Mawphlang.

Katkum ki jingtip kiba la lah ban ioh mynta ka sngi la ong ba kane ka jingbethei jong u ne u pipe um ka long ha ka por jan miet hynrei ia ka daw ym lah ban tip, na ka liang jong ka tnad PHE kala phah bran bran ia ki briew jong ki ban maramot ia une u pipe um u ba la bethei mynta ka sngi.

Bun na ki paidbah ki buh ka jingkylli ka ei ka daw kaba la pynlong ia kine ki pipe Um jong kane ka GSWSS ba kin bethei khah khah ha kine ki sngi bad kane ka jingbethei kala buh ia ki paidbah jong kane ka nongbah Shillong ha ka jingeh ha ka liang ka umbam umdih.