Bitar ka CoRP ba ieh bein ia ka surok na  Mawdem, Rajakhomai ha RB District

Shillong, Naitung 14:Ka Confederation of Ri Bhoi People (CoRP) Western Zone ha ka sngi Saitjain hapoh ka jingialam u Bah Lumkur Lapang kum u President Western Zone  ryngkat ka jingdonlang ki dkhot ka seng kmie ka la hiar ban jurip ia ka thain Mawdem, Ri Bhoi District bad ka la lap ba ki paidbah ki mad ia ka jingeh ha ka leit ka wan namar ba la sniew palat ka surok.

Halor kane ka CoRP ka sngewkhia jur ia ka jingieh bein ka sorkar ia ka thain Mawdem, Bilahari, Rajakhomai la jan 50 snem ka jingioh ia ka jylla, hynrei kam shim khia ban pynbha bad siang rong ia katei ka surok kaba jngai kumba 10 km eiei naduh ka shnong  Warmawsaw shaduh Mawdem, khamtam kitei ki shnong ki don ha ka thain khappud bad ka jylla Assam.

U Bah Lapang ula ong katei ka thain ka don ki paidbah nongshong shnong palat 2000 ngut eiei, bad ka Mawdem ka dei shnong ba la seng nyngkong ei ia ka Balang Presbyterian ha Ri Bhoi district naduh u snem 1868 kaba la don mynta kumba 151 snem eiei, hynrei ka surok pat ka dang sah kumjuh bad ki briew kiba la nang la stad bun  kiba la mih na katei ka shnong.

“Ka dorbar shnong na ka por sha ka por ki la ju leit ud sha ki nong mihkhmat hynrei ym don ba sngap eiei wat haduh mynta. Ka long kaba sngewkmen ba ka Ri Bhoi District ka la dep ban rakhe ia ka silver jubilee ruh, hynrei kaba sngewsih ba ka shnong Mawdem kaba seng nyngkong ia ka Balang Presbyterian ha Ri Bhoi kam pat kylla khyndiat ruh ka dang sah dien ha kiba bun ki liang” ula ong.

“Ka long kaba sngew synei ia ki paidbah ha ka pang ka shitom khamtam ki long kmie kiba pun la hap ban shu bah bad teng teng la hap shu kha noh ha shiteng lynti kim lah shuh ban poi sha ki hospital na ba ym lait kali,” ong u bah Lapang bad kiba leit iew leit hat sha Patharkhmah ki hap shong da ki Mahindra pickup bad iaid lyngba katei ka surok kumba kynruh soh phlang ha ka kriah khamtam ia ki tymmen ki kro ki mad shibun ki jingeh.

Kumta na ka liang ka seng ka kyntu jur ia ka sorkar jylla lyngba ka tnad PWD ba kin shim khia lem ban pynbha bad siang ia katei ka surok, kumjuh ka kyntu ia ki nongmihkmat u MLA/MDC ba kim shim khia lem ban iakren ba ki bor ba dei ban pynsuk ia ki paidbah ka thain.

U bah Lumkur Lapang u la ther tyngeh ia ki nongmih khmat barim naduh ka por u Bah JD Rymbai, bah lambok Mylliem kim shym la shim khia lem, hynrei ha kane ka kynti ngi khmih lynti ia u MLA ba mynta jong ka Jirang constituency ba don ha ka sorkar Bah Sosthenes Sohtun un pynurlong noh ia ka jing angnud ki paidbah.

U la ong na ka liang ka seng kan ym shong thait bad kan sa shim da kiwei pat ki lad jingiakhih ba kham tyngeh tad haduh ba kan urlong. Cap-Ki paidbah ka shnong Mawdem ha lynti ban leit phai sha la shnong ha ka sngi Saitjain hadien ba la dep wan siew na Iew Patharkhmah.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet