Bitar ka KSU SWKD ba khang ka ophis jong ka Ranikor C&RD Block myna ka taiew

Mawkyrwat, Iaiong 21: Ka KSU South West Khasi Hills District ka pynpaw iaka jingsngew lyngngoh halor ka khang khyrdep iaka Office jong ka Ranikor C& RD Block khlem da plie wat tang shisngi ruh naduh ka snginyngkong 17 tarik ha Ranikor. Na ka liang jong ka Seng KSU kila leit ban jurip ia kane ka office ha ka 21 tarik hadien ba kila ioh iaka jingujor na ki paitbah katei ka thain halor ka jingbym plie office mynta Ka taiew kaba la buh jingeh shi katdei eh ia ki paitbah nongshong shnong jong kane ka Block. Ka long kaei kaei kaba la pynlyngngoh namar na ei u BDO jong ka Ranikor Block u bah F.Basan u la ioh bor ban Phah khang khyrdep iaka Office watla ki dei ki sngi ba long trei.

Lada u don shuti ia lade ruh ha jingshisha u la dei ban phah iaki nongtrei ba kin don ha office khnang ba kan nym long Ka jingduhnong iaki paitbah khamtam kiba wan najngai bad kiba la hap ban lut ka sngi bad Ka pisa ba hap sahmiet ha Ranikor naba kim tip lano kane ka office kan plie noh. Haba ki dkhot jongngi ki la leit jurip bad lap iaka jingkhang khyrdep jongka Office ki la tohkit bad kylli kaei kaba la pynlong ia kane ka office sorkar ban hap khang khyrdep mynta baroh shitaiew bad haka jingtohkit la iathuh  ba u BDO bad Ki nongtrei Jong u ki dang leit shangkai pyrthei sha Sikkim bad kiwei kiwei ki jaka. Lada kane ka long ka jingshisha , naka liang jongka Seng ki buh jingkylli ia u Officer ba naduh mynno u la pynlong iaka office jong C&RD Block Ranikor kum Ka jingkhang ban leit shang pyrthei.

Kum ka Seng , kim don eiei ban ktah shimet ia uno uno u officer ne u nongtrei sorkar hynrei kihap ban  tuklar pat ia kane ka jingleh bym khein snep ia u paitbah da une u BDO ka Ranikor Block namar kane ka la ktah ia u duk u suk. Kumno une u officer u nud ban phah pep iaki nongtrei jongu haba um pat lah ban leh eiei wat ia ki spah ngut ki lanot ba Shah pynjot haka mariang ha 1 bad 2 tarik jong une u bnai.

Kane ka pyni ba kum u officer um don ia kata Ka jingkitkhlieh iaki paitbah jong ka Block ba u dei peit. Kane kam dei hi shuh ka jingjia bathymmai na ba ka Seng Ka la ju lap ba Kane ka office kam ju kham plie khamtam haka sngi nyngkong ne sngi thohdieng jong Ka taiew bad kum Ka Seng kila ju leit ban iakren bad u halor kane ka mat u paitbah hynrei haduh mynta une u officer um shym la pyni dak ban pynbeit ia kane ka jingduna hapoh jongka Block.

Na ka liang jongka KSU South West Khasi Hills District ka pynrem jur ia kane ka jingleh bym suidniew jong une u officer iaki paitbah ka thain bad kane ka jingbym don jingkitkhlieh jong u BDO ka Ranikor Block khlempep kan ktah ruh iaka roi ka par ha katei ka thain. Ka seng kan sa phah iaka jingujor ki sha Ki bor ba hakhlieh bad kumjuh ruh haki bor sorkar ba dei ban leh eiei halor kane ka bynta jongka jingleh.

Shuh shuh , na ka liang jongka KSU South West Khasi Hills District ka buh ruh iaka jingmaham ba tyngeh ia kiwei ruh ki office sorkar khamtam ha Ranikor Block ba kidei ban plie beit ha baroh ki sngi longtrei bad ym tang katta, ki officers jong ki tnad bapher bapher hapoh ka Ranikor Block ki dei ban trei ym tang naka bynta ka jingiohnong ne myntoi shimet jongno re jongno hynrei Ki dei ban trei na bynta jongki paitbah.
From Forwardman Nongrem President KSU SWKHD

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet