Shillong, Nohprah 30: kala don ka jingjia kaba sngewsih hapoh ka shnong Khliehshnong Mawlynrei ha kaba kawei ka kmie kaba la tip kyrteng kum ka kong Rilang Pyngrope kala bom ia la u jong u khun ba dang khynnah u ba dang hapoh ka 14 snem ka rta haduh ba un da khlad.
Haba ia dei bad kane ka jingjia ka kong Mena Kharkongor Chairperson jong ka State Commission Protection Child right (SCPCR) kala leit sha katei ka shnong ha ka iing ba don kane ka jingjia kaba sngewsih ban wad ia ka daw jong kane ka jingjia ban lap ia ka jingshisha.
Katkum ki khubor kiba la lah ban ioh la ong ba kane ka jingjia kala jia ha ka miet sngi thohdieng ha kaba kane ka kmie kala bom iala u jong u khun haduh ba ynda khlad na kane ka sla pyrthei. Haba ia dei bad kane ka jingjia ki pulit kila shimti ia kane ka kam ban tohkit.
