Shillong, Iaiong 12: Ka seng Khasi Student’s Union(KSU) bad ka seng Hynniewtrep Youth Council (HYC) ki dang iai bteng ban kner ia ki kti jong ki ban iarap ia ki long iing kiba duk ha kane ka por ba don kane ka Lokcdown ban ialeh pyrshah ia u khniang jingpang COVID-19.
Ha ka sngi saitjian ka seng KSU Nongmynsong kala kner iala ki jong ki kti jong ka ban iarap ia ki 105 tylli ki long iing kiba duk ha katei ka thain, kane ka jingaleit ai jingiarap kala long na kawei ka iing sha kawei pat bad na ka liang jong ki dkhot ha ka por ba ki leit ban sam kid a deng da ki Mask.
Ia kane ka jingiarap kaba ka seng ka lah ban leh ka long ha dien ba ki para dkhot jong ka seng kila ia noh syniang para ma ki bad ha dien ba kila dep ban leh ia kane kila leit ban sam sha ki briew kiba don hapoh katei ka shnong kiba don kam shisha ia ka jingiarap.
Na ka liang jong ka seng HYC jong ka Mawlai Nonglum kala kner iala ki jong ki kti jong ka ban iarap ia ki briew kiba don hapoh ka shnong Mawlai Nonglum bad baroh ki long iing kiba la ioh ia kane ka jingiarap ki long 24 tylli ki long iing ba duk.
Kine ki ar tylli ki seng la iohi ba kila kner ia ki jingiarap sha ki long iing ba duk ha byn tylli ki jaka bad ki shnong ha kylleng kane ki lum khasi Jaintia bad ka jingiarap ka long u khaw u phan. Na ka liang jong kito kiba ioh ia ka jingiarap ruh kila pynpaw ia ka jingsngewnguh ia kiba la kner ia ka kti ha kane ka por ba ki kynduh jingeh.
