Bteng ki kam rep ha Meghalaya da kaba bud ia ka jingiajngai iwei ia iwei kumba la bthah

Nongpoh, Jymmang 03:  Hapdeng ka pakhang shnong ha ka ri baroh kawei namar ka jingsaphriang ka jingpang COVID-19, ki nongrep ha ka district kaba seisoh bha ka rep ka riang jong ka Ri-Bhoi Meghalaya ki dap da ka jingsngewkmen ban ioh bteng biang ia ki kam rep jong ki ha ki lyngkha, ki pynthor da kaba bud ia ki jingbthah ba la pynmih da ka tnad ka koit ka khiah jong ka Sorkar India.

Ki nongrep jong ka Ri Bhoi ki long ki nongsuplai ba kongsan ia ki soh bad ki jhur nalor ki mar bam sha ki bynta ba bun jong ka jylla bad shabar ruh kumjuh. Hapdeng shibun ki jingeh, ki nongrep ki don ia ka bynta kaba kongsan ha ka jingpynbiang ia ka jingpynpoi mar bam ha kum kane ka por ba iakhun pyrshah ia ka coronavirus.

“Ka la don 30 snem naduh ba nga la sdang ban trei ia ka kam rep bad naduh kane ka por ngam shym la sangeh haduh mynta,” la ong u Bah P. Marwein na ka shnong Mawtnum ha Ri-Bhoi.

Ka kam rep kadei ka tyllong jingkamai na ka bynta baroh kawei ka longing jong u bad ki la iai bteng ia kane ka kam ha ka por pakhang shnong, wat hapdeng ki jingeh ba ki mad ha ka jingpyniaid iew ia ki mar rep jong ki.

“Da kaba thung bun jait ki jhur, ngi bteng ia ka kam rep ha baroh ki aiom bapher bapher jong u snem,” u la ong. Hadien ba ladep lum ia u kba, u Bah Marwein bad shibun kiwei kiwei ki nongrep jong ka sdang ki sdang ban rep sohsaw, sohkynken jhur, kajor, bean bad kiwei kiwei.

Shuh shuh, ki nongrep ha ki shnong kyndong kim don ha ka jingdum shaphang ka jingiajngai iwei na iwei bad kiwei kiwei ki kyndon ba la pynbna da ki Sorkar Jylla bad Sorkar Pdeng na ka por sha ka por ban iakhun pyrshah ia ka jingpang coronavirus.

“Ngi tip bha shaphang ki jingbthah kum ka jingiajngai iwei na iwei bad ban bud pyrkhing ia ki ha lyngkha bad ha iing,” ong u Bah Marwein. Hynrei, ban ioh ia ki dor ba dei ia ki mar rep jong ki ka iai long ka jingeh kaba khraw ia kiba bun ki nongrep namar ka pakhang shnong bad ka jingshah ktah ka ioh ka kot ha ka thain bad ha ka ri.

Namar ba ka shaniah bha ha ka jingiohnong na ka jingwan jngoh kai pyrthei, ki nongrep jong ka Meghalaya ki lah mad jingeh namar ka jinghiar ka jingdonkam ia ki mar rep jong ki namar ka jingpynsangeh ia ki kam jngoh kai pyrthei namar ka pakhang shnong.

Ki nongrep kum u Bah Marwein ha Meghalaya u kyrmen ba ka jingeh namar u khniang jingpang corona kan kut noh shen bad ki kam jngoh kai ha ka jylla kin sdang biang khnang ba kin lah ban ioh ia ki dor ba biang ia ki mar rep jong ki.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet