Bthah ka MHA ia ki jylla ba kin pyllait ka iaid ka ieng ki briew bad ki mar hapoh ka Unlock-3

New Delhi, Nailar 22: Ka Sorkar Pdeng ka la bthah ia ki Sorkar Jylla ba ym dei ban don kino kino ki jingteh ia ka leit ka wan hapoh ki jylla lane hapdeng ki jylla na ka bynta ki briew ne ki mar hapoh ki kyndon ka Unlock-3 kaba dang iaid mynta.

Ha ka jingthoh sha ki Chief Secretary jong baroh ki jylla mynta ka sngi, ka tnat kam poh iing jong ka Sorkar Pdeng ka lah ong ba ki don katto katne ki distrik bad ki jylla kiba lah buh ia ki jingpyrkhing halor ka leit ka wan.

Kine ki jingpyrkhing ki buh jingeh ha ka jingrah mar bad ki ktah ia ka jingpynbiang mar kaba ktah pat ia ka ioh ka kot bad ki kam jong ki briew.

Ka tnat kam poh iing jong ka Sorkar Pdeng ka la ong ba kine ki jingpyrkhing da ki bor distrik ne ki jylla ki pynkhein ia ki kyndon ba lah pyllait da ka tnat hapoh ki kyndon ka Disaster Management Act, 2005.

Da kaba pynkynmaw biang ia ki hukum jong ka tnat ba lah pyllait ha ka 29 tarik u Naitung, 2020 kaba lah kdew shai ia ki kyndon jong ka Unlock-3, ka tnat ka lah ong ba kine ki kyndon ki kdew shai ba yn ym don kano kano ka jingpyrkhing ia ka leit ka wan hapoh ne hapdeng ki jylla na ka bynta ki briew ne ki mar.

Kane ka kynthup ka jingleit jingwan jong ki briew ne ki mar ha kaba iadei bad ka jingshalan mar shabar ri katkum ki jingiateh bad ki ri kiba don marjan bad ka India.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet