Shillong, Jymmang 31: U Myntri Rangbah ka jylla u Conrad K Sangma mynta ka sngi u la leit jngoh da lade ia ka West Garo Hills kaba la shah ktah ha ka jingslei um ha kine ki sngi kiba la dep ha kaba bun ki surok bad ki jingkieng iaid kali kila ha ka jylla kila shah pynjulor.
Ka surok kaba la shah ktah palat ha kane ka jingther jong u slap ka dei ka surok AMPT ka jingkieng haka wah Bondumali kaba pyniasoh ia ka Titkrikilla jong ka west Garo Hills, bad kane ka surok ka dei kaba pyniasoh ruh sha Rajabala, Raksamgre bad Phulbari.
Ha ka jingleit jngoh u myntri rangbah ka jylla u la ong ba ka jingshah pynjulor ha ka mariang ia ki surok bad ki jingkieng kala long ha kylleng jong ka jylla, hynrei kaba la shah ktah palat dei kane ka jingkieng ha ka wah Bondumali kaba hap hapoh jong ka West Garo Hills District.
Ha kane ka jingleit na ka liang jong u myntri rangbah u la bthah ia ki bor ba dei peit ia ka kam shna surok ba ki dei ban maramot noh mardor bad katkum ka jingiakren bad ki engineer kiba la don lang mynta ka sngi kila ong ba hapoh ar taiew ki lah ban pyndep ia kane ka jingmaramot ia kane ka surok ban ioh iaid ki kali.
