Bthei ki top thep ia ki jaboh Uranium ha Domiasiat, ka sorkar bad KHADC kin hap kitkhlieh dawa ka UHM

Shillong, Nailur 21: Bitar ka UHM ia ka jingkheinsting jong ka sorkar jylla bad ka District Council halor ki jingjia kiba naduh mynshwa naduh u snem 1993 haduh mynta haduh da poi u upud ban bthei syndon ka jaka stok uranium .

Ka UHM katkum ka kyrwoh na u President Rangbah ka seng u bah Charlie J Rani ka la pynpaw iaka jing bitar shla iaka sorkar jylla bad ia ka District Council iaka jingleh kyllud bymsuidniew iaka jaidbynriew jongngi khamtam kiba im hapoh SWKHD khamtam hapoh Domiasiat naduh mynshuwa ia une u Uranium.

Mynta ka seng ka buh jingkylli ia sorkar hadien ka jingbthei jongkane ka tanky katkum ka jingioh haki social media bad ka jingtip kaba shai kdar kaba ngi lah ioh naki dkhot jong seng napoh South West Khasi Hills District kiba la pyntip shangi mardor ba mano ba mano ban bah khlieh ia kane ka jingjia ba lada kato ka lyer bih na ka jingbthei jong kato ka jaka stok kaba set slung ia u to u Uranium u ba lah tih shen mynshwa.

Ka UHM ka ong lada ka ktah mano ban bah khlieh, Kan bah khlieh ka District Council ne ka sorkar jylla ne kata UCIL ne kata ba ngi buh iaka jingkylli te lada ka sorkar jylla haduh kat mynta lad ka long kumne na ka nakaliang ka seng ka dawa mynta hi ruh mardor ba ka sorkar jylla ka dei ban phah noh iaki stad saian shathie mardor ba kin leh eiei khnang ba kin lah ban tehlakam iaka jingjia shathie da kaba kin pynlong iakata ka jaka ba kin phah sah noh iaki briew kham sha jngai namar katkum ka jingjia.

Ka UHM ka ong ba katkum ka jingioh jingtip na ka liang ka seng ba lada kato ka lyer bih kan lait nangto kumba 200 km Radius kan jam lane kotbor,lada kan poi shaduh u pud ba kato ka jingbthei kan ktah ia ka Ri Khasi Jaintia baroh kawei ,ka sorkar jylla bad ka sorkar kmie bad ka UCIL ryngkat bad ka District Council kin hap ban shim iaka jingkit khlieh kaba khraw bha .

Ka seng ka buh iaka jingbyrngem kaba tyngeh ba lada lap ba mano mano ba donkti ban ailad naduh mynshwa ban khlong Uranium bad ban pynlong jaka stok slem kan nym map satia iano iano ruh ,pynkut ka kyrwoh na u Publicity Secretary Sengkmie bah Emdor Buam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet