Buddien ka State Planning Board ia ka ksiar ka spah na ka rep khlem ai dawai

Shillong, Nohprah 21: Ban buddien ia ka ksiar ka spah na ka rukom Rep khlem ai Dawai, Ka Meghalaya State Planning Board hapoh ka jingpyniaid u Bah John F Kharshiing, Co-Chairman, MSPB, u la pynlong ia ka jingialang hapoh ka office Agriculture-Horticulture, halor ka kam Meghalaya Mission Organic.

Ka thong kaba long ban phaidien biang sha ki rukom rep kiba rim khnang ban hikai ia ki paidbah ba kin sngewthuh ia Ka jingdonkam kaba ngin ioh sei ia ka jingriewspah na ka jinglong ka khyndew hapoh jylla Meghalaya kaban sa sei ia Ka Ksiar ka Spah lada pyntreikam ia Ka rep ka riang kum ki por uba rim da Ka jingstad jong Ka juk mynta.

Katkum ka jingai jingtip Ka tnad Horticulture ki la lah ban poi sha Ka snem kaba ar bad tang ha East Khasi Hills District ki la ioh kumba 5000 san hajar Hectare. Ha kane ka jingialang jong ka State Planning Board, u Bah John F Kharshiing, u la khot sngewbha ruh ia ki trai Lum kiba long ki nongkrem kiba la wan shimbynta ha kane Ka jingialang khamtam na ka thain Mylliem bad Khyrim, kiba la pynpaw ia ka jingsngewnguh bad ka jingkmen ban ioh kum katei ka jingpynshai halor katei ka rukom rep.

Kine ki nongrep ki la ioh ruh ia ka jingshai halor ka jingktah ban kit sboh masi na sha ri thor namar katei ka sboh masi kaba na shabar ka dei kaba u masi u ioh jingbam da ki dawai, lane u phlang uba la don dawai. Ki la ioh ka jingai mynsiem ba la donkam ia ki paidbah nongrep ban buh ia ki masi lajong lane ban thied ia ka sboh na la ri lajong kum shibynta ban tikna ba ka sboh masi ka dei kaba kham duna ka dawai chemical.

Na ka liang ki officer Horticulture, bad Agriculture ki la pyntip ruh ba mynta la don bun ki nongrep kiba la shah treishitom ban phai dien biang sha ki por barim lyngba ka jingstad ka juk mynta, kaban sa ai ka lad sha ka iew Organic (ka iew mar rep kaba khlem dawai) ha kaba ka dor ka long kaba kham bun shah haduh lai ne saw shah.

Ki officer ka tnad Horticulture bad Agriculture ki la pyntip ba hashen kin sa don bun ki jingpynkhreh na ka bynta kane ka rukom rep, ia ki kynhun nongrep. Ki la ong ba kaba donkam ka long ban thaw ia ki kynhun na ka bynta kitei ki thong rep khlem dawai namar ka iew ka long kaba heh katba ka mar ka long kaba dang duna.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet