Buh maw nongrim u Myntri Rangbah duh, plie ia ki kam pynroi palat T. 2450 klur ha Shillong

Shillong, Dec 18: U Myntri Rangbah duh ka ri, u Narendra Modi u la buh maw nongrim, bad plie bad aiti sha ka ri ia ki projek bapher bapher ba shongdor palat T. 2450 klur ha nongbah Shillong, Meghalaya mynta ka sngi.

Hashuwa kane, u Myntri Rangbah duh u la iashim bynta ha ka jingialang jong ka North Eastern Council ha State Convention Centre ha nongbah Shillong bad iashim bynta ha ki jingrakhe golden jubilee jong ka.

Ki projek bapher bapher ki kynthup ka jingplie ia ki 4G mobile tower, ia kiba 320 tylli la pyndep bad 890 tylli kidei kiba dang shna, ka jaka ba thymmai jong ka IIM Shillong, ha Umsawli, ka surok Shillong- Diengpasohka ban kyntiew ia ki lad sha  ka khapsor Shillong bad saw tylli kiwei ki projeksurok ha lai tylli ki jylla kiba long ka Meghalaya, Manipur bad Arunachal Pradesh.

U Myntri Rangbah duh u la plie ruh ia ka Spawn Laboratory ha Mushroom Development Center bad Integrated Beekeeping Development Centre ha Meghalaya bad 21 tylli ki Hindi library ha Mizoram, Manipur, Tripura bad Assam.

U Myntri Rangbah duh u la buh maw nongrimna bynta hynriew tylli ki projek surok ha kylleng ki Assam jong ka Assam, Meghalaya, Manipur, Mizoram bad Tripura. U la buh maw nongrim ruh na ka bynta ka Integrated Hospitality bad Convention Centre ha Tura bad ka Shillong Technology Park Phase -II.

Ha ka jingai jingkren ha ka jingialang, u Myntri Rangbah duh u la ong ba ka Meghalaya kalong ka jylla kaba riewspah ha ka jingdon jingem ka mariang bad ka deiriti bad kane ka jingriewspah ka paw lyngba ka jinglong kylluidmynsiem jong ki briew.

U la ai khublei ia ki nongshong shnong jong ka jylla Meghalaya na ka bynta ki projek kiba bun ki ban dang wan bad ki projek kiba dang pyllait thymmai naduh ki lad jingpyniasoh, ka pule puthi, ka sap treikam bad ka ioh kam ioh jan na ka bynta ka jingkiew shuh shuh ka roi ka par ha ka jylla.

U Myntri Rangbah duh u la khringia ki jingmut jingpyrkhat jong baroh ha kaba la jiaryngkhat ba ka jingialang mynta ka sngi ka long ha kawei ka madanialehkai football ha ka por haba ka jingialehkai football world cup ka dang iaid mynta.

“Ha kawei ka liang, ka don ka jingiakhun jong ka lympungialehkai football kaba dang iaid mynta, katba hangne ngi ialam ia ka jingiakhun jong ka roi ka par ha ka madanialehkai football. Watla ka football world cup ka long ha Qatar, ka mynshiemshitrhem jong ki briew hangne kam long kaba duna,” u la ong.

Da kaba pyniasyriem ia ka red card kaba pyni ha ka jingialehkai football sha u briew uba ialeh pyrshah ia ka mynsiemialehkai, u Myntri Rangbah u la ong ba ka sorkar ka la pyni red card ia baroh ki jingeh ba wan ha lynti jong ka roi ka par ka thain shateilammihngi.

“La ka long ka jingbamsap, ka jingniewbein, ka jinglehshiliang, ka jingthombor lane ki vote bank politic ban pynthut ia ka roi ka par ha ka thain, ngi trei da ka jingaiti bad ka hok ban rat dyngkhong ia kine ki jingsniew baroh,” u la ong.

U Myntri Rangbah duh u la ong ba watla kum kine ki jingsniew ki la suh thied bha, ngi hap ban trei ban weng ia kine iwei pa iwei. U la bynrap ruh ba ki sienjam jong ka sorkar ki pyni ia ki resol kiba bha.

Haba pynshai halor ka roi ka par ha ki kam ialehkai, u Myntri Rangbah duh u la ban ba ka sorkarpdeng ka iaidshaphrang da ka rukom treikam kaba thymmai bad ia ki jingmyntoi jong ka lah ban iohishai ha ka thain shateilammihngi ruh.

U la pyntip ba nalor ka skulbahha ki kam ialehkaikaba nyngkong jong ka ri, ka thain shateilammihngikadei kaba la biang bun ki jingdon jingem kum ka multipurpose hall, ka madanialehkai football bad ka athletics track.

U la bynrap shuh shuh ba ka kam ka dang iaid mynta ha khyndai phew tylli kum kine ki projek. U Myntri Rangbah duh u la ong da ka jingpynthikna ba watla ngi peit ia ki kynhun jong ki ri bapher bapher ba ialehkai ha ka football worldcup ha Qatar.

U ngeit skhem ha ka bor jong ki samla bad ong ba ka por kam slem shuh haba ka India kan sa pynlong ia kum kane ka lympungialehkai kaba khraw bad man u nong India un ai ruh ka jingkyrshan ia la ka jong ka kynhun ka ban iashim bynta ha ka.

“Ka roi ka par kam sah tang ha ka mang tyngka, ki tender, ka jingbuh maw nongrim bad ki jingpyllaitpaidbah,” u la Myntri Rangbah duh u la ong ba kum kane kalong ka kyndon wat hashuwa u 2014, ka jingkylla kaba ngi sakhi mynta kadei u soh jong ka jingkylla ha ki thong ki jong ngi, ki jingkut jingmut, ki jingphaikhmat kyrpang bad ka rukom treikam jong ngi.

Ia ki resol lah ban iohi ha ki rukom treikam jong ngi.” U Myntri Rangbah duh u la ban shuh shuh ba “ka jingkut jingmut kalong ban tei ia ka India kaba la kiewkaba la biang ki jingdon jingem katkum ka juk mynta, ki lad jingpyniasoh kiba katkum ka juk mynta.

Ka thong kalong ban pyniasoh ia man ka thain bad ka bynta jong ka ri da ka jingthmu ia ka roi ka par kaba sted lyngba ka SabkaPrayas (ki sienjam jong baroh). Ka jingphaikhmat kyrpang kalong ban weng ia ka jingsahdien, ban pynduna ki jingjngai, ka jingdon bynta ha ka jingkyntiew ia ka jinglah treikam, bad ban plie lad shuh shuh ia ki samla.

Bad ka jingkylla ha ka rukom treikam ka pyni ba man ka projek bad prokram dei ban pyndep hapoh ka por.” U Myntri Rangbah duh u la pyntip ba ka sorkarpdeng ka pynlut T. 7 lak klur tang ha ki kam ba iadei bad ki jingdon jingem mynta u snem, katba 8 snem mynshuwa kane ka jingpynlut ka duna ia ka T. 2 lak klur. U la ong ruh ba ki jylla ki iakhun hapdeng jong ki haba iadei bad ka jingkyntiew ia ki jingdon jingem.

Da kaba ai nuksa ia ka jingkiew ki jingdon jingem ha ka thain shateilammihngi, u Myntri Rangbah duh u la ban ba ka jingiaid sted ka kam ban pyniasoh ia baroh ki nongbah jong ka thain shateilammihngi kynthup ka nongbah Shillong da ka lynti rel bad ka jingkiew ka jingdon ki liengsuin kiba man ka taiew na ka 900 hashuwa u 2014 haduh 1900 mynta.

U Myntri Rangbah duh u la pyntip ba hapoh ka skhim UDAN, ki liengsuin ki her ha 16 tylli ki lynti ha Meghalaya bad kumta ka bai liengsuin kalong kaba duna doria ki briew jong ka jylla.

Ha kaba iadei bad ki jingmyntoi jong ki nongrep jong ka jylla Meghalaya bad ka thain shateilammihngi, u Myntri Rangbah u la pyntip ba ki soh bad ki jhur kiba thung hangnekilong kiba suk ban pyniaid iew ha ka ri bad shabar ri lyngba ka skhim KrishiUdaan.

U Myntri Rangbah duh u la khring ia ka jingmut jingpyrkhat jong baroh ha kaba iadei bad ki projek pyniasoh kiba la plie mynta ka sngi bad u la pyntip ba 5 hajar klur tyngka la pynlut ban shna ia ka surok bah National Highway ha Meghalaya ha ki 8 snem ba la leit katba ka jingdon ki surok ha ki jaka nongkyndong ba la shna ha ki 8 snem ba la leit hapoh ka the PradhanMantriSadakYojanaha Meghalaya ka la long hynniew shah palat ia kaei kaba la shna ki 20 snem mynshuwa.

Haba kren shaphang ka jingkiew ka jingpyniasoh digital na ka bynta ki samla jong ka thain shateilammihngi, u Myntri Rangbah duh u la pyntip ba ka jingbuh optical fibre ka la kiew 4 shah ha ka thain shateilammihngi bad 5 shah ha Meghalaya haba ianujor bad u snem 2014.

U la bynrap ruh ba la pynieng 6 hajar tylli ki mobile tower ban pynpoi ka jingpyniasoh mobile ha man ka bynta jong ka thain lyngba ka jingmangpisa kaba 5 hajar klur. “Kine ki jingdon jingem kin plie ki lad ba thymmai ia ki samla jong ka jylla Meghalaya,” la ban u Myntri Rangbah duh.

Halor ki jingdon jingem ba iadei bad ka pule puthi, u Myntri Rangbah duh u la ong ba ka jingdon ka IIM bad ka pule puthi technology park, ki lad kamaikajih kin kiew ha ka thain. U la pyntip ruh ba ka thain shateilammihngi ka sakhi ka jingshna palat 150 tylli ki skul Eklavya bad na kine 39 tylli kidei kiba don ha Meghalaya.

U Myntri Rangbah duh u la ai nuksa ia ka skhim Parvatmala kaba shna ia ki ropeway bad ka skhim PM DEVINE ka ban wanrah ia ka jingstet ha ka roi ka par jong ka thain shateilammihngi da kaba pynthikna ka jingsuk ban ioh jingmynjur ia ki projek ba heh ba iadei bad ka roi ka par. U la bynrap, “la buh ka jingmang pisa kaba T. 6,000 klur ha ki 3-4 snem ban wan hapoh ka PM-Divine.”

Halor ka rukom treikam ‘ba iaphiah” jong ki sorkarbarimna ka bynta ka thain shateilammihngi, u Myntri Rangbah duh u la ong ba ka sorkar jong ngi ka la sdang da ki thong ‘kiba kyntang’. “La ka long ki jaitbynriew bapher bapher, lane ki thain bapher bapher, ngi la weng ia baroh ki jaitjingniewshiliang. Mynta, ha ka thain shateilammihngi, ngi phaikhmat kyrpang ban tei ia ki lynti jong ka roi ka par, ym ki khappud jong ki jingiakajia,” u la ong.

U Myntri Rangbah Duh u la ong ba ka thain shateilammihngi ka dei ka khyrdop sha ka jingshngain bad ka jingriewspah bad kam dei tang ka jaka khappud. U la kren shaphang ka skhim vibrant village ha kaba la plieia ki lad kiba kham bha haki shnong kiba don ha ki jaka khappud.

U Myntri Rangbah Duh u la ong ba namar ka jingtieng ioh ai jingmyntoi ia ki nongshun, ym shym la don ka jingpur jong ka jingpyniasoh bad ki jaka khappud.“Mynta, da ka jingshlur, ngi la shna ia ki surok, ki jingkieng, ki surok rel bad ki kad liengsuin kiba thymmai ha ki jaka khappud.

Ki shnong kiba kynjah ha ki jaka khappud mynta ki long kiba la iohiia ka roi ka par. Ka jingstet kaba ngi iohi ha ki nongbah jong ngi ka dei kaba donkam ha ki jaka khappud jong ngi ruh,” la ong u Myntri Rangbah Duh.

U Myntri Rangbah Duh u la kren shaphang ka jingiakynduh jong u bad u Pope bad u la ong ba u la iakren bad u shaphang ki jingeh ba ki briew ki iakynduh mynta da kaba bynrap ba ki la iamynjur ba ka long kaba donkam ban don ka jingiatreilang ban pynbeitia kine. “Ngi dei ban pynkhlain ia kane ka jingsngew,” la ong u Myntri Rangbah Duh.

Da kaba kdew sha ka rukom treikam lyngba ka shongsukshongsain bad ka roi ka par ba la pdiang da ka Sorkar, u Myntri Rangbah Duh u la ong ba kito kiba ioh jingmyntoi duh na kane ki dei ki riewlum. Ka jingkyntiew ia ki jaka rilum ka dei ka kam kaba kongsan jong ka Sorkar da kaba bat ruh ia ka deiriti, ka ktien bad ki jinglong tynrai jong ki riewlum.

U la ai nuksa da ka jingweng ia ka jingpynsangeh ia ka jingrep ia ki siej ha kaba u la ong ba kane kan kyntiew ia ki mar siej ba shna da ki riewlum.“La seng 850 tylli ki Van Dhan Kendra ha ka thain shateilammihngi ban kyntiew ia ki mar ba ioh na ki khlaw. Ki bun ki SHG kiba iatreikamlang bad ki, bad bun na kine ki dei jong ki hymmen ki para jong ngi,” u la ong.

U Modi u la ong ba ki jingdon jingem ha ka imlang sahlang kum ki iing, ka um bad ka bording ki la kiewbha ha ka thain shateilammihngi. Ha kine ki snem ba la dep, 2 lak tylli ki iing kiba thymmai ki la ioh bordingelektrik. La ai jingbit na ka bynta palat 70 hajar tylli ki iing na ka bynta ki badukbasuk bad 3 lak ki iing ki la ioh um kor. “Ki riewlum ki dei kiba la ioh jingmyntoi tam na kine ki skhim,” u la ong.

Ha ka jingpynkut ia ka jingai jingkren, u Myntri Rangbah Duh u la ong ba u kwah ban iohi ia ka jingbteng ka shongsukshongsain hakane ka thain bad u la ong ba ka dei ka jingkyrkhu jong ki briew kaba ai bor ia baroh ki kam na ka bynta ka roi ka par ha ka thain shateilammihngi. U la ai khublei Christmas ruh ia baroh.

U Myntri Rangbah ka Meghalaya, u Conrad K Sangama, u Lat ka Meghalaya, Brig (Dr.) B D Mishra (Retd), u Myntri Sorkar Pdeng ba dei khmih ia ka tnat Kam Pohiing, u Amit Shah, ki Myntri Sorkar Pdeng kum u G Kishan Reddy, KirenRijijubad SarbanadaSonowal,

u Myntri Khynnah ka sorkarpdeng, B L Verma, u Myntri Rangbah ka Manipur, u N Biren Singh, u Myntri Rangbah ka Mizoram, uZoramthanga, u Myntri Rangbah ka Assam, uHimantaBiswaSarma, u Myntri Rangbah ka Nagaland, u Neiphiu Rio, u Myntri Rangbah ka Sikkim, uPrem Singh Tamang, u Myntri Rangbah ka Arunachal Pradesh, uPemaKhandubad u Myntri Rangbah ka Tripura, uManikSahaki la iadon lang ha kane ka sngi.

Ha ka sienjam ka ban kyntiew ia ka jingiasoh telecom ha ka thain, u Myntri Rangbah Duh u la aiti sha ka ri ia ki 4G mobile tower, ia kiba palat 320 la dep shna bad kumba 890 ki dei kiba dang shna. U la pliepaidbahia ka jaka ba thymmai jong ka IIM Shillong haUmsawli.

U Myntri Rangbah Duh u la pliepaidbah ruh ia ka surok Shillong – Diengpasoh ka ban wanrah ia ka jingiasoh kaba kham bha bad ka khap sor Shillong bad ka ban pyllait ia ka Shillong na ka jingdheng kali. U la pliepaidbah ruh sa saw tylli ki projek surok ha lai tylli ki jylla kiba long ka Meghalaya, Manipur bad Arunachal Pradesh.

U Myntri Rangbah Duh u la pliepaidbahia ka Spawn Laboratory ha ka Mushroom Development Center ha Meghalaya ban kyntiew ia ka jingpynmih tit bad ban ai jinghikai ia ki nongrep bad ki nongseng kam lajong.

U la pliepaidbah ruh ia ka Integrated Beekeeping Development Centre ha Meghalaya ban kyntiew ia ka ioh ka kot jong ki nongringap lyngba ka jingai jinghikai bad ka jingkyntiew ia ka teknoloji. U la plie ruh ia 21 tylli ki Hindi library ha Mizoram, Manipur, Tripura bad Assam.

U Myntri Rangbah Duh u la buh maw nongrimiahynriew tylli ki projek surok ha ki jylla Assam, Meghalaya, Manipur, Mizoram bad Tripura. U la buh maw nongrim ruh ia ka Integrated Hospitality and Convention Centre ha Tura bad ka Shillong Technology Park Phase -II.

Ka Technology Park Phase -II kan don ka jaka ba la tei kaba kumba 1.5 lak square feet. Kan plieia ki lad ba thymmai ia kito kiba la pyntbit ha ki kam bad kan plie lad ioh haduh 3000 tylli ki kam.

Ka Integrated Hospitality and Convention Centre kan don ka convention hub, ki kamra sah briew, ka jaka die bam bad kiwei kiwei. Kan pynbiang ia ki jingdon jingem ban kyntiew ia ki kam jngohkai bad ka jingpyni ia ka deiriti jong ka thain.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet