Shillong, Lber 03: Mynta ka sngi u symbut mytnri rangbah ka jylla u bah Prestone Tysong u la buh ia u mawnongrim ban maramot ia ka surok na Shillong sha Sohra bad kane ka jingmaramot kan long tang ka bynta kaba 22 km sha duh ka 53 km jong kane ka surok.
Ka jinglut ban maramot ia kane ka bynta kan long haduh T.12 klur tyngka bad ia kane ka surok la maramot khatduh na Umtyngar sha Sohra la leh ha u snem 2013, u symbut myntri rangbah haba kren ha kane ka jingplie ia u mawnongrim la ong ba ka sorkar ka trei na ka bynta ban pynbha ia ki surok ha ka jylla.
Ki surok ki long kiba don kam haduh katta katta, kahmta kane ka surok kam kut tang ha Sohra hynrei ka pyniasoh sha duh Shella bad bun na ki jaka jngohkai pyrthei ki don ha kane ka jaka. Ka sorkar ka don ka jingthmu ban pynbha shuh shuh ia kane ka surok sha duh Shella bad Wahrew.
Ka jingpynkhreh mynta ban pynioh ia ka jingithuh ia kane ka surok na Umtyngar sha Shella kum ka surok bah, kiwei kiba la kren ha kane ka jingialang ki long u bah Gavin M. Mylliem, MLA Sohra, u bah Balajied K. Synrem, MLA Shella, u abh . T. G. Nengnong, Secretary, PWD (Roads bad Building), u bah. L. D. Suchiang, Chief Engineer, PWD (Roads) bad u Syiem ka hima Sohra u Pa’iem Freeman Syiem, Syiem of Hima Sohra.
