Shillong, Nailur 09: U Bah Sanbor Shullai MLA jong ka South Shillong Constituency mynta ka sngi u labuh ia u Mawnongrim ban tei ia ka Iew ka ban die ia ki jhur kiba khlem khlem dawai ha Bishnupur. Ia kane ka iew la bei pisa na ka tnad pynroi sor ha ka jinglut kaba T.2.39 klur tyngka.
Kane ka iew don lai mala, ka mala kaba nyngkong kan long ka iew die jhur bad kan long tang ia ki jhur kiba khlem khleh dawai bad ia ka mala kaba sha jrongduh pat yn pynlong ia ka kum ka iing dorbar bad kane kan long kum kawei na ki lad ban ai kam ai jam ia ki khun samla.
Ban peit ba kane ka jingtrei kam iaid beit, ym thaw ruh ia ka Committee ka ban peit ba ka jingtrei kam dei ban iaid beit bad kane ka iew kan don ruh ka jaka ieng kali kaba lah ban ngiam haduh 16 tylli ki kali.
Ha ka jingkren jong u Executive Engineer kong ka tnad pynroi sor u Bah R Budnah u la ong ba ia ka mala kaba nungkong kan long ka iew die jhur kan don 23 tylli ki dukan, ka mala kaba ar kan don 15 tylli ki dukan bad ka mala kaba sha jrong duh kan long ka iing dorbar.
