Buh Mawnongrim u Chief Justice ka MHC u justice Dinesh ia ka iing bishar ha Mairang

Chief Justice DN Maheshwari inspects the building plans for the court at Mairang .Mairang, Naiwieng 11: Ka long ka sngi sah kynmaw hapoh jong ka Mairang Civil Sub Division ha kaba u Chief Justice ka Meghalaya High Court u justice Dinesh Maheshwari mynta ka sngi u la buh ia u Mawnongrim ban tei ia ka iing bihsar ha Mawsawa, ha Mairang ha ka jingiadon ryngkat ka kong Roshan Warjri myntri kam ain ka sorkar jylla.

Ha ka jingkren jong u nongbishar ba rangbah jong ka Meghalaya High Court u Justice Dinesh, u la ong ba na ka liang jong ka Meghalaya High Court kala buh ia ka jingthmu kaba ha khmat eh ba ka iing bishar hapoh Mariang kadei ban don la ka jong ia iing bishar namar ia mynta la shu pynlong ia ki mukotduma ha ka iing wai ba shipor.

Ha ka juh ka por u nongbishar ba rangbah jong ka MHC u la ai ka jingiaroh ia baroh ki tnad sorkar kiba ia don kti ha kaba la lah ban pynurlong ia kane ka jingthmu lyngba ka jingtrei shitomka jong ki haduh ban da ioh ban buh ia u mawnongrim mynta ka sngi.

Ha ka jingkren jong ka kong  Roshan Warjri, myntri ka sorkar jylla ba dei peit ia ki kam ain kala ong ba ka jinglah ban buh ia u ne u mawnongrim mynta ka sngi ka long sa kawei pat ka sien jam sha ka roi ka par na ka bynta ka dong bad ka thain Mairang. Kane ka iing ka dei ka jong ki paidbah ka Mairang Civil Sub Division bad ia kane ka jingtrei yn pyndep hapoh jong ka 16 bnai la ong ka myntri.

Kiwei kiba la kren ha kane ka jingialang ki long ka SDO Civil jong ka Mairang ka kong F M Lakiang, ka kong  G Rani, District bad Sessions Judge, West Khasi Hills. Ha kane ka sngi la don ruh bun kiwei kiwei ki riew rangbah rangsan kiba dei na ka kynhun ba don bynta lang ha ki kam ain.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet