Buh Mawnongrim u Dr Mukul ia ka Shillong Medical College ha Mawbah

Dr Mukul SangmaShillong, Nohprah 06: U myntri rangbah ka jylla u Dr Mukul Sangma mynta ka sngi u la buh ia u mawnongrim ban tei ia ka Shillong Medical College ha Mawprem mynta ka sngi. Ia kane ka College yn tei ha ka jingiatreilang hapdeng ka sorkar bad ki riew shimet ia kaba la tip kum ka “Public Private Partnership”.

Haba kren ha kane ka jingialang paidbah ban buh ia une u mawnongrim, u myntri rangbah ka jylla u Dr Mukul Sangma u la pynpaw ia ka jingsngew kmen ka jong u ban iohi ba la ioh ban buh ia u mawnongrim jong kane ka jaka pule doktor bad ia ka yn pyntrei kam ha ka jingiatreilang bad ki riew shimet bad kane ka long kaba eh bha namar kane ka long ka sien kaba nyngkong ba ka sorkar kan iaid ha kane ka lynti, ia ka Tura Medical College ruh la leh ha kane ka rukom.

Naka liang jong u myntri rangbah u la ong ba kane ka jaka kam ei eh tang ka jaka pule doktor hynrei kane ka long ka shlem ban iarap ia ka sorkar ha kano ka rukom ban leh ha kaba ia dei bad ki lad jingsumar ia ki paidbah ha ka jylla ha ka koit ka khiah. Kine ki ar tylli ki jaka pule doktor kin long kum ki hospital ba ka sorkar ka lah ban phah ia ki briew ban shah sumar.

Da ka jingdon ia kine ki jaka pule doktor kan long ka jingmyntoi ia ki samla jong ka jylla bad kin nym leit shuh sha bar jong ka jylla ban leit ban pule doktor. Da ka jingdon ia kine ki ar tylli ki jaka pule doktor kan iarap ruh ia ka sorkar ha kaba ia dei bad ka rukom ai jingsumar ha ka rukom kaba dei ha kaba ki briew kin nym leit shuh ban shah sumar kum sha Vellor, Chennai lane sha Delhi.

Da ka jingdon jong kine ki ar tylli ki jaka pule doktor kan iarap shibun bah ia ki samla kiba kwah ban pule doktor ha kaba mynta ki la lah ban pule ha ka la jong ka jylla bad ha ka juh ka por ki lad jingsumar na ka bynta ki paidbah jong ka jylla ruh kan nangkham bha ha ki snem kiban dang wan.

Kiwei kiba la kren ha kane ka jingialang ban buh ia u Mawnongrim jong kane ka jaka pule doktor ka long ka Dr Ampareen Lyngdoh myntri PWD ba dei peit ia ki kam shna iing, u Bah RV Lyngdoh myntri kam pynroi sor, u Secretary of KPC Medical College, Kolkata, Krishna Das, Finance Secretary, KPC Medical College, Kolkata, Uttam Das bad  Dr D Lyngdoh, Director, Health Services (MI) bad u  Additional Chief Secretary, Health bad  Family Welfare u  P W Ingty la ia don lang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet