Shillong, Jylliew 25: U myntri ba dei peit ia ki kam ialehkai ha ka jylla u Zenith Sangma mynta ka sngi u la buh ia u mawnongrim ban tei ia ka iing skul Wadanang Government Aided Secondary School ha Tura ia kaba la bei pisa na ka e Asian Development Bank (ADB).
Ka jingbei pisa jong ka ADB ka long ban iarap ia kane ka jylla ban pynbha ia ki iing skul kiba la ai jingkyrshan da ka sorkar jylla na ka bynta ban kyntiew ia ka pule puthi ha kane ka jylla Meghalaya.
Ha ka jingkren ka jong u myntri kum u kongsan ha kane ka sngi u la ong ba da ka jingbei pisa jong ka ADB kala iarap ia ka jylla ha kaban shna ia ki iing skul ha kane ka jylla. Na ka liang jong ka sorkar kala ialeh katba lah ban pynbiang ia ki jingdon kam jong ki khynnah ba kin ioh ia ki jingdon kam jong ki kum ki khynnah ksul bad mynta kane kala urlong.
Ha ka jingkren jong u Noverfiel R Marak MLA kum u synbut kongsan u la ong ba ka jingmang jingstad hakane ka juk kaba mynta ka long kaba don kam ha duh katta katta, u la kyntu ia baroh ban ia treilang ban wan rah ia ka jingjop ha kane ka liang, u la ai khublei kyrpang ia u myntri rangbah jong ka jylla u ba la pynioh ia kane ka iing skul kaba thymmai.
Lah ban kdew hange ba ia kane ka skul la sdang ha u snem 1932 shuwa ba ka Ri India kan ioh ia ka jinglaitluid bad la pynkiew kyrdan ia ka sha ka Secondary School ha u snem 1985 dei kane ka skul kaba la ai ia ka jingstad sha ki samla pule jong ka Ri Lum Garo ha kitei ki snem. Kiwei kiba la ia don lang ha kane ka sngi ki long u DC u Parvin Bakshi ba du JD Sangma u ba la bat teng ia ka kam Director ha ka tand pule puthi ha kaba mynta u la shong thait.
